“დღეს ჩვენი დროა – რა დარჩა გამოსავალი? საერთაშორისო პარტნიორების სრული ლეგიტიმაცია აუჯანყდე რეჟიმს” – ხერხეულიძე

“ენმ”-ის წევრი, ეკა ხერხეულიძე:

“რეჟიმმა თქვა შემდეგი – საქართველოში არჩევნები გაუქმებულია.

ამ დრომდე ბევრი უსამართლო და უთანასწორო არჩევნები გაგვივლია.9 წლის მანძილზე 8200 ენმ ს წევრზე განხორციელდა სამართლებრივი დევნა და 1200 ადამიანზე აღიძრა სისხლის სამართლის საქმე.

პარტიის ყველა ლიდერმა გამოიარა ციხე.

ჩვენი ცხოვრების 9 წელი გავატარეთ სასამართლოებში…

მთელი ამ ხნის მანძილზე, არ არსებობდა მატერიალური მცირე ბაზაც კი, რაც მეორე დღეს უფრო ორგანიზებულს და მობილუზებულს აჩვენებდა ჩვენს გეგმებს.

ამ უთანასწორო ბრძოლაში ბევრი დავკარგეთ და ბევრიც შევიძინეთ. ბევრმა ფიზიკურად დატოვა ქვეყანა და ბევრმა ვერ გაუძლო.. ყველას თანაბარ ბრძოლისუნარიანობას ვერ მოსთხოვ, როცა ოჯახის წევრები შიმშილისგან ფიზიკურად ყავს გადასარჩენი, როცა ოჯახის წევრების დაჭერით ემუქრებიან, ვერავის უკარნახებ როგორ მოიქცეს..

ეს იყო გადასატანად ურთულესი წლები, თავის ყოველდღიური მდგენელის გათვალისწინებით.არის მთელი რიგი საკითხები, რასაც ვერასდროს ვერ დაწერ, მაგრამ უხელფასოდ მომუშავე ერთგულ ჯარს მუდმივად ვიღაც ჭკუას გვასწავლის.

ახლაც იგივე ხდება – “არ იცოდით ივანიშვილი ციფრებს დაიწერდა?” როგორ არ ვიცოდით?! მაგრამ ასეთი ადამიანებისგან განსხვავებით, ჩვენ პოლიტიკური პასუხისმგებლობა გვაქვს და ემოციურს კი არა, პოლიტიკურ გზას გავდივართ.

გამარჯვებამდე იმდენი აუცილებელი კომპონენტია დასაკმაყოფილებელი, სადმე ფეხი თუ წაგიცდა წლების ნანძილზე გაწეულ შრომას წყალში ყრი. ივანიშვილი რომ რუსული პროექტია, ამ აზრის მოზიარეც კი თითზე ჩამოსათვლელი ადამიანი მყავდა ირგვლივ, მაგრამ დღეს ეს ეჭვგარეშეა ფართო მასებისთვის. მასთან თანაბარ პირობებში საპაექროდ გასვლა რომ სიგიჟეა, ეს ყველამ ვიცით, მაგრამ იმისთვის, რომ რეჟიმი შეცვალო, ამის დასაბუთებული ფაქტები უნდა არსებობდეს.

დიახ, ხალხის ძალისხმევაა მთავარი. იმ ხალხის რომელთა ერთგულებით მუდმივად პირველ ოპიზიციურ პარტიად ვრჩებით, მაგრამ მხარდამჭერებს მეტს ვერ მოვთხოვთ. მესმის, რომ არც ევალებათ, მაგრამ ისიც ხომ ფაქტია, რომ ამ სივრცეში მრავალი აზრის გამომთქმელის მეასედი არ გამოდის გარეთ საბრძოლველად? ამაში ხომ ვერ შემედავებით? ერთმანეთს ხომ ყველა სახეზე ვცნობთ? ამით ვინმეს კი არ ვამუნათებ, მთავარ სათქმელამდე მინდა მივიდე.

კი ბატონო, ივანიშვილმა არჩევნები გააუქმა, მაგრამ ეს ჩვენს გარდა, ფაქტების სიზუსტით უნდა შეაფასონ საერთაშორისო პარტნიორებმა და სადამკვირვებლო მისიებმა. ბრძოლის გზებსაც სჭირდება ლეგიტიმაცია, თუ რა თქმა უნდა, შედეგზე ვართ ორიენტირებულები.

გუშინ მომხდარმა ყველას აჩვენა, რომ იმ ნამდვილ სასაკლაოზე, სადაც კომისიის წევრებს სცემდნენ, უბნებიდან ყრიდნენ, მხარდამჭერებს იტაცებდნენ და აშანტაჟებდნენ, მშენებარე კორპუსებზე მიწერილი ადამიანების ყალბი პირადობის მოწმობებით იპარავდნენ შედეგს, სადაც დაუფარავად, ღიად არიგებდნენ ფულს, ხელში ეჭირათ მოპარული სამაგიდო სიები და იქიდან ხელმძღვანელობდნენ გაყალბების სქემებს, აი, სწორედ,ამ უთანასწორო ბრძოლაში, პირისპირ ვიარეთ შიშველი ხელებით, მხოლოდ თითოეული ჩვენგანის ხმის უფლება იყო ჩვენი იარაღი და პირველ ტურში მიღებული უპირატესობა მეორე ტურში გამანადგურებელი შედეგით ვაჩვენეთ. ეს შევძელით იმის ფონზე, რომ ყველას კარგად გვესმოდა რა ციფრებს დაწერდა ივანიშვილი.

ჩვენ ყველა გამოწვევას ვუპასუხეთ – დავსახეთ მშვიდობიანი გზით გამარჯვების გეგმა – შევედით ბრძოლაში, გავიარეთ პირველი და მეორე ტური. რის შედეგადაც, უკიდურესმა ქოცმაც კი იცის, რომ გამარჯვება ოპოზიციისაა.

რა დარჩა გამოსავალი? საერთაშორისო პარტნიორების შეფასება და სრული ლეგიტიმაცია აუჯანყდე რეჟიმს. ვერავინ ვერ გვეტყვის, რომ არსებობს კიდევ ის რაღაც, რაც დემოკრატიის განვითარების გზაზე პასუხისმგებლობის მქონე პარტიამ დააკლო. ჩვენ ძალიან მართლები ვართ ჩვენს მიერ გადადგმულ ნაბიჯებში და ამას მოწმობს გუშინდელი დღე. პირისპირ გავსწორდით ძალადობის ყველა გამოვლინების წინაშე და მაინც მოვიგეთ

ახლა ამ მონაპოვარს დაცვა სჭირდება. აქ ერთადერთ გზად ქუჩა რჩება – ან ვნებდებით, ან ბოლომდე მიგვყავს გამარჯვება.

ჩემთვის საინტერესოა ყოველი ჩვენი მხარდამჭერის აზრი, მათ’ შორის, ბრაზი, კრიტიკა, ხშირად დაუნდობელი ლანძღვაც, მაგრამ ჩემ მიზნამდე მისასვლელად სრულიად უინტერესოა გავხდე ემოციის მსხვერპლი.

საწყენი მხოლოდ ისაა, რომ 9 წელი ერთი დღეც რომ არ მიგიცია თავისთვის უფლება დასვენების, ვიღაც ხან გარუჯული გაძლევს შენიშვნას და ვიღაც მშვიდი, დაწყობილი ქვეყნიდან არ მოდუნებისკენ მოგიწოდებს. ხანდახან აღმოვაჩენ ხოლმე, რომ მოუსყიდავი ხალხის ფასი ჩვენში ღარიბაშვილისნაირებმა უკეთ იციან, ვიდრე მხარდამჭერებმა

დადგა დრო ყველასთვის მისაღები ბრძოლის – ყველაზე დამქანცველი, ხანგრძლივი და წინააღმდეგობებით სავსე აქციების. მობრძანდით, გეპატიჟებით, ოღონდ, იმედი არ მინდა გამიცრუვდეს და ისევ ფბ ფოტოებიდან არ მინდა მახსოვდეთ.

მიშამ მაქსიმუმი გააკეთა. საკუთარი სიცოცხლის სამსხვერპლოზე მიტანით, დამოუკიდებელი კამპანია წარმართა სამარტოო საკნიდან. ვინ ვინ და მან ყველაზე უკეთ იცოდა ყალბი ციფრების დაწერის რისკის შესახებ, მაგრამ,როგორც ვატყობ, აქ ხალხს საკმარისად არ ესმის რასთან გვაქვს საქმე. ურჩევნიათ მიშა ვიღაც ბრიყვად წარმოაჩინონ, რომელიც ვიღაცეებმა მიატყუეს,ჩამოიყვანეს და ციხეში გამოკეტეს, ვიდრე თავს გამოუტყდნენ,რომ არსებობენ ადამიანები, რომელთაც ბრძოლაში თავგანწირვით შეუძლიათ შევარდნა.

დღეს ჩვენი დროა. მე პირადი პასუხისმგებლობა მაქვს მიშას წინაშე. არა როგორც მეგობრის, ახლობლის ან სხვა მიზეზის გამო, არამედ იმის, რომ მან ისეთ ხარისხში აწია ბრძოლა, რომ დიდი პატივია მისი მოკავშირეობა.

ვერავინ ვერ იტყვის,რომ კამპანიას რამე დავაკელით. ვეღარავი ვერ იტყვის – “მიშა რომ ჩამოსულიყო, უკეთესი შედეგი იქნებოდა”ჩამოვიდა და ციხეშია….ვერავინ იტყვის “ერთობა ვერ აჩვენეთ”- სახეზეა კოალიცია… მოკლედ, ცივილური და მშვიდობიანი ბრძოლის ყველა მაჩვენებელი სახეზეა.

გამოდით თქვენც! ან მონობა,ან გამარჯვება!

უფრო მძიმე დღეებიც ქონია ჩვენ ქვეყანას, ეს ჯიუტი, დაუმორჩილებელი ხალხი მაინც გავალთ სამშვიდობოს”