“დღეს არის ბიძინაობა, ვულოცავ ბიძინა ივანიშვილს” – ღარიბაშვილი

პრემიერმა, ირაკლი ღარიბაშვილმა, რამდენიმე წუთის წინ, გამართა ბრიფინგი და თქვა, რომ მიხეილ სააკაშვილი გლდანი-ნაძალადევის ტერიტორიაზე დააკავეს. მან მადლობა გადაუხადა გომელაურს და ლილუაშვილს და თქვა, რომ მისი გადაადგილება იყო “სრული კონტროლის” ქვეშ, თუმცა, არ დაუკონკრეტებია, რატომ ავრცელებდნენ ინფორმაციას, რომ სააკაშვილი უკრაინაშია.

ირაკლი ღარიბაშვილი:

“სააკაშვილი არის კრიმინალი, დამნაშავე, არაერთგზის მოიქცა სამარცხვინოდ, მაგრამ მოვექეცით ისე, როგორც ჩვენი ხალხი იმსახურებს.

დღეს არის პირველი ოქტომბერი და ბიძინაობა, არ მქონია დღეს საშუალება, ჩვენი პარტიისთვის მომელოცა პირველი ოქტომბერი და გამარჯვება, 9 წელი გავიდა იმ გამარჯვებიდან, რომელიც ჩვენმა დამფუძნებელმა ქართელ ხალხთან ერთად მოიტანა.

ვულოცავ ბიძინა ივანიშვილს და ქართველ ხალხს ვუსურვებ მშვიდობას და ჩვენთან ერთად სტაბილურ განვითარებას.”