„გირჩის“ ლიდერმა, იაგო ხვიჩიამ, ტვ “იმედთან”, დევნილებზე საუბრისას, განაცხადა:
“ჩვენ ამ ადამიანებს 30 წელია ვეძახით დევნილებს, მათ შორის თბილისში დაბადებულ-გაზრდილებს ვეძახით დევნილებს. ყველაზე მეტად ამ ადამიანებს ვუშავებთ იმით, რომ არ ვურეგისტრირებთ თავიანთ ქონებას აფხაზეთში და რა ვაძლევთ საშუალებას ის გაასხვისონ ან იპოთეკით დატვირთონ.
მაგალითად მე მინდა ვიყიდო გაგრაში ზღვის პირად ნაკვეთი. მინდა ვიყიდო გაგრელი ადამიანისგან, რომელსაც ეს ჰქონდა. ამისთვის საჭიროა, რომ ჯერ დაურეგისტრირდეს ეს ქონება ამ ადამიანს საქართველოში და მეორე, აღიარებული იყოს ნასყიდობის ხელშეკრულება სავალდებულო ძალის მქონედ საქართველოს სახელმწიფოს მიერ. ახლა ხომ ბერად უფრო იაფად ვიყიდი ამ საკუთრებას იმიტომ, რომ ვრისკავ. მე თვითონ ვდებ ინვესტიციას ამ ქვეყანაში და ვამბობ, რომ მჯერა ჩემს სიცოცხლეში ეს ქვეყანა დაიბრუნებს წვდომას აფხაზეთის ტერიტორიაზე არსებულ საკუთრებაზე. ადამიანები ასეთ ინვესტიციებს აკეთებენ. მე ეს ინიციატივა საზოგადოებაში უკვე გამოვიტანე. გამოხმაურება ჰქონდა ყველანაირი. პოზიტიური გამოხმაურება ჰქონდა იმ ნაწილში, რა ნაწილიც ეხებოდა საკუთრების უფლების აღიარებას აფხაზეთის ტერიტორიაზე დევნილი ადამიანების სასარგებლოდ. უნდა დავამთავროთ ამ საზოგადოების დაყოფა დევნილებად და არადევნილებად. აღვრიცხოთ ვინ რა დაკარგა და როცა დადგება ამის დაბრუნების დრო მივცეთ ამ ადამიანების გასხვისებისა და ტრანზაქციების საშუალება“
კომენტარები