“დედებმა ეს უნდა იცოდნენ” – ემიგრაციიდან დაბრუნებული დედა სიმართლის დასადგენად იბრძვის

თამთა ჟვანია, ალიას უყვება, რომ მის ქალიშვილზე, 12 წლის გოგოზე ფიზიკური ძალადობის საქმის მსვლელობა უკვე 2 წელზე მეტია იწელება. მისი თქმით, გოგონა მამინაცვლი მხრიდან იყო ძალადობის მსხვერპლი და მამაკაცი 2022 წლის 8 იანვარს დააკავეს და გირაოთი გამოუშვეს, მას შემდეგ სამართალს ელოდება, თუმცა, ამაოდ.

თამთას თქმით, სასამართლო, სადაც უკვე გადაცემული საქმე, მოსამართლეთა დროის სიმცირეს იმიზეზებს და ითხოვს, არ გადაიდოს სხდომები და სასამართლო დროულად ჩატარდეს, განაჩენი დროულად იქნეს გამოტანილი.

თამთა ალიას უყვება, რომ სიდუხჭირის გამო, და იმის გამო, რომ მის მეორე მეუღლეს არ სურდა მუშაობა, ემიგრაციაში მოუწია წასვლა და შვილების დატოვება, რა დროსაც, მისი თქმით, მამინაცვალი მის ქალიშვილზე ძალადობდა.

„ამას უყურებდა მისი დედა და ასევე ნათესავი ქალი, რომელიც დამხმარებად ავიყვანე და არაფერს მეუბნებოდნენ, სანამ თავად არ მივხვდი. 4 დაზარალებული ვართ საქმეში და თაროზეა სისხლის სამართლის საქმე. გარდა ამისა, გვყავს საერთო შვილი, რომელიც სასამართლომ მე მომაკუთვნა, მაგრამ ვერ ვახერხებ მის წამოყვანას და სოც. სამსახურიც და პოლიციაც სდუმს. მიმაქვს კარავი, და იქედან ფეხს არ გამოვასგან, სანამ სამართალი არ დადგინდება.

მთავარი მტკიცებულება 12 წლის ბავშვის დაზიანებული სახის სურათი საქმეში გამქრალია სასამართლო პროცესზე მე წარვადგინე ფოტო, ყოველი შემთხვევისთვის მქონდა წაღებული, როგორ ვიფიქრებდი, რომ საქმეში არ დამხვდებოდა? 4 ივნისს იყო სასამართლოს პირველი სხდომა და მხოლოდ მე დავიკითხე. პირველ ივლისს უნდა ყოფილიყო მომდევნო სხდომა და ბავშვი, ფსიქოლოგი იყვნენ მზად და იცით, არ გვცალია და სხვა საქმე უფრო მნიშვნელოვანიაო.

ჩემი მთავარი მიზანი, აქ კარვის დადგმის და ყოფნის ისაა, სიმართლე რომ გითხრათ ისაა, რომ მინდა ყველამ გაიგოს, რა ხდება ქვეყანაში რეალურად. ეს საქმე უნდა დასრულდეს და დამნაშავემ უნდა აგოს პასუხი, დედებმა უნდა იცოდნენ, რომ შეიძლება წავიდნენ ემიგრაციაში და რომ დაბრუნდებიან, მერე. შეიძლება სამი წელი ელოდნონ, დაუბრუნებენ შვილებს, თუ არა და როდის.

ვითხოვ, გამოძიება წარიმართოს სამართლიანად და ობიექტურად და სასამართლომ, ან განიხილოს საქმე დროულად, ან თუ არ სცალიათ და არ ჰყავთ მოსამართლეები, თქვან ეს საჯაროდ და სხვა სასამართლოს გადააწერონ საქმე.

ასევე, რეაგირება არ ხდება პოლიციის მხრიდან 6 წლის ბავშვზე სავარაუდო ფსიქოლოგიური ძალადობის თაობაზე. არ ტარდება სამხარაულის ექსპერტიზა. ბავშვი დედის დანახვაზე ისტერიკაში ვარდება, არ არსებობს სამედიცინო ბარათი ან ოფიციალური დასკვნა ბავშვის მდგომარეობის შესახებ. თაროზეა ჩემს მიერ შემოტანილი განცხადებები და უპასუხოდ არის დატოვებული.

მიუხედავად იმისა, რომ ამდენი წელი სამართლს ვერ მივაღწიე, მე, როგორც დედა, მშობელი, დედობრივი ინსტიქტით რომ შვილები დავიცვა ვდგავარ აქ და ასევე მინდა სხვისთვისაც იყოს მაგალითი რომ დედებმა არ დატოვონ შვილები და არ წავიდნენ ემიგრაციაში რაიმე ფინანსური სარგებლის სანაცვლოდ!“ – ამბობ თამთა ალიასთან.