ნორვეგიის სამეფოს ჯანდაცვის სამინისტროს უფროსი მრჩეველი, ზაზა წერეთელი ბრიტანელი მეცნიერების ახალ კვლევაზე წერს, რომელიც ე.წ. გრძელ კოვიდს უკავშირდება.
“ბრიტანელმა მკვლევარებმა ოქსფორდის უნივერსიტეტიდან პარასკევს გამოქვეყნეს კვლევის შედეგები და განაცხადეს, რომ გრძელვადიანი/ხანგრძლივი COVID-ის პრობლემა და მისი მკურნალობის ვარიანტები ყალიბდება როგორც ძირითადი გრძელვადიანი საკითხი გლობალური ჯანდაცვის სისტემებისათვის, პაციენტებზე დაავადების გავლენის განხილვის შემდეგ.
ხანგრძლივ კოვიდს, გარდა მისი უზარმაზარი გავლენისა დაზარალებული ინდივიდისთვის, აქვს დიდი სოციალური და ეკონომიკური მნიშვნელობა, რადგან ის იწვევს სამსახურიდან წასვლას, სამუშაო შესრულების შემცირებას და, შესაბამისად, გაუთვალისწინებელ ხარჯებს ქვეყნის ბიუჯეტისათვის.
მიმოხილვაში, რომელიც გამოქვეყნდა European Heart Journal-ში, ნათქვამია, რომ პრობლემა ემუქრება გადაიქცეს „ახალ ეპიდემიად“ და მოიცავს მსჯელობას ხანგრძლივი COVID-ის განმარტებისა და მისი ეპიდემიოლოგიის შესახებ, აქცენტით კარდიო და ფილტვის სიმპტომებზე.
როგორც კვლევამ აჩვენა პაციენტების დაახლოებით 50%-ს, რომლებიც ჰოსპიტალიზირებულნი არიან მძიმე COVID-19-ით და რომლებსაც აღენიშნებათ ტროპონინის პროტეინის მომატებული დონე, აქვთ გულის დაზიანება. დაზიანება გამოვლინდა მაგნიტურ-რეზონანსული ტომოგრაფიით (MRI) გამოწერიდან სულ მცირე ერთი თვის შემდეგ, ესაა დასკვნები, რომელიც გამოქვეყნდა European Heart Journal-ში.
დაზიანება მოიცავს გულის კუნთის ანთებას (მიოკარდიტი), ნაწიბურების წარმოქმნას ან გულის ქსოვილის სიკვდილს (ინფარქტი), გულში სისხლის მიწოდების შეზღუდვას (იშემია) და სამივეს კომბინაციას.
ლონდონის ექვსი საავადმყოფოდან 148 პაციენტის კვლევა დღემდე ყველაზე მასშტაბური კვლევაა, რომელმაც გამოიკვლია გამოჯანმრთელებული COVID-19 პაციენტები, რომელეთაც დაუდგინდა გაზარდილი ტროპონინის დონე, რაც მიუთითებს გულის შესაძლო პრობლემაზე.
ტროპონინი გამოიყოფა სისხლში, როდესაც გულის კუნთი დაზიანებულია. დონის მომატება შეიძლება მოხდეს არტერიის დაბლოკვის ან გულის ანთების დროს. ბევრ პაციენტს, რომლებიც ჰოსპიტალიზირებულნი არიან COVID-19-ით, გაეზარდა ტროპონინის დონე ავადმყოფობის კრიტიკულ ფაზაში, როდესაც ორგანიზმი აძლიერებს გადაჭარბებულ იმუნურ პასუხს ინფექციაზე. ტროპონინის დონე ამაღლებული იყო ამ კვლევაში მონაწილე ყველა პაციენტში, რომლებსაც შემდგომ უტარდებოდათ გულის MRI სკანირება გამოწერის შემდეგ, რათა გაეგოთ დაზიანების მიზეზები და მასშტაბები.
გულის მარცხენა პარკუჭის ფუნქცია, კამერა, რომელიც პასუხისმგებელია ჟანგბადით სავსე სისხლის გადატუმბვაზე სხეულის ყველა ნაწილზე, ნორმალური იყო 148 პაციენტიდან 89%-ში, მაგრამ ნაწიბურები ან გულის კუნთის დაზიანება აღინიშნა 80 პაციენტში (54%). . ქსოვილის ნაწიბურების ან დაზიანების ნიმუში წარმოიშვა 39 პაციენტში (26%) ანთებით, გულის იშემიური დაავადებით, რომელიც მოიცავს ინფარქტის ან იშემიას, 32 პაციენტში (22%), ან ორივეს ცხრა პაციენტში (6%). თორმეტ პაციენტს (8%) ჰქონდა გულის მიმდინარე ანთება”, – წერს წერეთელი.
კომენტარები