“ქართული ოცნების” თავმჯდომარე, ირაკლი კობახიძე კომენტარს აკეთებს გავრცელებულ ინფორმაციაზე, რომ აშშ-ს საელჩომ გვარამიას საქმის მოსამართლე ამოიღო პროგრამიდან, რომლითაც ის შტატებში უნდა გამგზავრებულიყო და ამბობს:
“იმაზე არაფერს ვამბობ, რომ შესაბამისი ქმედება სსკ-ს 364-ე მუხლის მეორე ნაწილით გათვალისწინებული დანაშაული, ამერიკელი დიპლომატებისთვის სისხლის სამართლის დანაშაულის დაბრალება რბილად რომ ვთქვათ უკიდურესად უპასუხისმგებლო აქტია.
ხელისუფლება გვერდით დაუდგება და დაიცავს თითოეული მოსამართლეს, რომელიც ბოროტი პოლიტიკური ძალისგან ბულინგისა და ზეწოლის ობიექტი შეიძლება გახდეს.
ერთი წამით წარმოიდგინეთ მსგავსი რამ იუსტიციის უმაღლეს საბჭოს რომ გაეკეთებინა, რომელიმე მოსამართლე რომ დაებარებინა და თუნდაც მისთვის საკამათო გადაწყვეტილების გამო, სამართლებრივის საფუძვლის გარეშე, რომელიმე სემინარიდან ან კონფერენციიდან მოეხსნა, წარმომიდგენია რამხელა აჟიოტაჟს შექმნიდნენ ზუსტად იგივე ფაქტის გამო ზუსტად იგივე სუბიექტები.
“ბუნებრივია აშშ-ის საელჩო ენმ-ს მეთოდებით მოქმედებას, მოსამართლის დისკრიმინაციას, სასამართლოს დამოუკიდებლობაში ჩარევას და არაფორმალური მმართველობის მცდელობას არასოდეს იკადრებდა, მე ამის ღრმად მწამს. ან ის რატომ ჰგონიათ, რომ ამერიკაში წასვლა-არ წასვლის გამო რომელიმე მოსამართლე ვინმემ გავლენის ქვეშ შეიძლება მოაქციოს. ვინმეს მართლაც რომ ეკადრა მოსამართლისთვის ვიზიტის გაუქმება, დარწმუნებული ვარ ეს პირიქით, უკუშედეგს გამოიღებდა და ვიზიტს სხვა მოსამართლეებიც გააუქმებდნენ.
ამერიკის საელჩოს მინდა მივმართო თხოვნით, მესმის, რომ ამ კითხვაზე უარყოფითი პასუხის გაცემაც კი უხერხულობას ქმნის აშშ-ის საელჩოს მხრიდან უხერხულიც კი იქნება საუბარი იმაზე, რომ სისხლის სამართლის დანაშაული არ ჩაუდენია, დისკრიმინაცია არ განუხორციელებია, ქართული სასამართლოს დამოუკიდებლობაში არ ჩარეულა და არაფორმალური მმართველობა არ უცდია, თუმცა სპეკულაციები გრძელდება და ამ სპეკულაციებს მარტივად დაასრულებდა ამერიკის საელჩოს ერთი მცირე განცხადება”
კობახიძის განცხადებით, თუ საელჩო განცხადებას არ გაავრცელებს, საზოგადოებას შეეძლება მიიჩნიოს, რომ საუბრები მოსამართლის დისკრიმინაციის შესახებ, ოპოზიციის სპეკულაცია იყო.
შეგახსენებთ, მედიის ცნობით, ნიკა გვარამიას საქმეზე გამოტანილი განაჩენის შემდეგ, მოსამართლე ლაშა ჩხიკვაძე აშშ-ს საელჩომ ამოიღო პროგრამიდან, რომლითაც ის შტატებში უნდა გამგზავრებულიყო.
კომენტარები