„ჩემი შემოთავაზებაა, მოვრიგდეთ ასე და ხაბეიშილს ყოველგვარი იგნორირება გავუკეთოთ, თავი ქვა უხლია, რაც უნდა ის ულაპარაკია, მის სიტყვას ჩემთვის არანაირი ფასი არ აქვს, იმიტომ, რომ ყოველი მისი სიტყვის უკან არის ტყუილი“ – ამ იდეით მიმართა საკრებულოს მიმდინარე სხდომაზე თავის კოლეგებს „ქართული ოცნების“ დეპუტატმა საკრებულოდან ბექა დავითულიანმა:
„ნამდვილად მოხდა სამწუხარო ინციდენტი. მინდა საზოგადოებას განვუმარტო, რა უძღოდა ამ ინციდენტს წინ. ნამდვილად არავის არ სიამოვნებს ჩხუბი და ნამდვილად არ არის საკრებულო მუშტი-კრივის ადგილი, თუმცა არც პოლიტიკაა პირადი შეურაცხყოფებისა და დედის გინების ადგილი. ის არსება, რომელზეც ახლა ვსაუბრობ და რომელიც ინციდენტის მონაწილე იყო, ცოტა ხნის წინ დაჯდა ეთერში, მიმართა უმრავლესობის ყველა წევრს და ფარჩაკი, იდიოტი არაკაცები უწოდა… რა თქმა უნდა, ფიზიკურ დაპირისპირებას არ ვამართლებ და არ გავამართლებ, მაგრამ არც ის წარმომიდგენია, ახლა აქ იჯდეს ლევანი, ვაგინო და ეს ჩემი მხრიდან ნორმალური იყოს. ორი წელია, ეს ადამიანი ცდილობს, ასე მოხდეს, იწვევს ადამიანებს, ამიტომ მე ასეთ ფორმატს გთავაზობთ: საერთოდ არ მიმაჩნია ხაბეიშვილი არც ჩემს კოლეგად, არც საერთოდ მიმართვის ღირსად – ჩემი შემოთავაზებაა, მოვრიგდეთ ასე და გავუკეთოთ ყოველგვარი იგნორირება, თავში ქვა უხლია, რაც უნდა ის ულაპარაკია, მის სიტყვას ჩემთვის არანაირი ფასი არ აქვს, იმიტომ, რომ მისი ყველი სიტყვის უკან არის ტყუილი. იმ ქალბატონებს მივმართავ, რომლებიც ჩვენს ოფისს ალაგებენ და რომელზეც დღეს ხაბეიშვილი საუბრობდა – არ ეგონოთ, რომ აქ რომელიმე ჩვენგანს საშუალება აქვს და ხელფასს არ უმატებს: ისინი ტენდერში გამარჯკვებული კომპანიის თანამშრიომლები არიან და ამ კომპანიის ეკონომიკის მიხედვით განესაზღვრებათ მათ ხელფასები და ჩვენ არანაირი ბერკეტი არ გვაქვს მათი ხელფასების გაზრდის, თორემ არავინ არ არის ისეთი არაადამიანი, როგორადაც ლევანი წარმოგვაჩვენს, რომ ხელფასის გაზრდის საშუალება გვქონდეს ვინმესთვის და არ ვუზრდიდეთ. ამიტომ გთავაზობთ: რაც უნდა ის უსაუბრია, გინდა ძაღლს უყეფია, თუმცა ჩემს ძაღლს ბევრად მეტ პატივს ვცემ – და გინდა მას უსაუბრია. ხოდა, იაროს, ილაპარაკოს ეს ტყუილები და იყეფოს ეთერებში რამდენიც უნდა.“ –
კომენტარები