“ერთიანი ნაციონალური მოძრაობის” წევრი, დავით კირკიტაძე შესაძლოა თვითიზოლაციაში გადავიდეს. მას გავრცელებული ინფორმაციით, დეპუტატ ლევან გოგიჩაიშვილთან ჰქონდა შეხება, რომელიც კორონავირუსის დიაგნოზით ბოჭორიშვილის კლინიკაში მკურნალობს.
“კურიერი” დავით კირკიტაძეს დაუკავშირდა, რომელიც აცხადებს, რომ PCR ტესტი უკვე ჩაუტარდა და ამჟამად პასუხს ელოდება, თუმცა ის თვითიზოლაციაში არ გადასულა.
კირკიტაძე არც გოგიჩაიშვილთან კონტაქტს ადასტურებს.
“ლევან გოგიჩაიშვილის კონტაქტებში არ ვარ,” – ამბობს კირკიტაძე.
თავად გოგიჩაიშვილს „პრაიმტაიმთან“ საუბრისას არ დაუმალავს, რომ „ნაცმოძრაობის“ წევრი ნამდვილად მისი კონტაქტების სიაშია.
ირკვევა, რომ ლევან გოგიჩაიშვილს დავით კირკიტაძესთან შეხება “ტვ პირველში” სტუმრობისას ჰქონდა.
„დიახ, მქონდა კონტაქტი დავით კირკიტაძესთან, როცა სტუმრად ვიყავი “ტვ პირველში”. როდესაც ვირუსი დამიდასტურდა, ეპიდემიოლოგებს მივაწოდე ინფორმაცია იმ პირების შესახებ, ვისთანაც მქონდა კომუნიკაცია, მათ შორის დავით კირკიტაძის შესახებაც და ისინი ახლა თვითიზოლაციაში არიან როგორც ვიცი”.
კომენტარები