„ქართული ოცნება – დემოკრატიული საქართველოს“ სამტრედიის მერობის კანდიდატი დავით ბახტაძე მუნიციპალიტეტის ყველა ადმინისტრაციული ერთეულის მოსახლეობასთან შეხვედრებს მართავს. ამის შესახებ ინფორმაციას პარტია ავრცელებს.
ამავე ცნობით, მერობის კანდიდატი გუნდის წევრებთან ერთად ეცნობა მოსახლეობის მოსაზრებებს, კონკრეტული ქუჩისთვის თუ უბნისთვის საჭირო პრიორიტეტულ საკითხებს.
მერობის და მაჟორიტარი დეპუტატობის კანდიდატები საქართველოში ბოლო წლებში გატარებულ რეფორმებს მოსახლეობასთან ერთად აფასებენ. აქცენტი კეთდება ყველა იმ სასიკეთო ძვრაზე, რომელიც „ქართულმა ოცნებამ“ შეძლო და მოახდინა.
„სამართლიანობის აღდგენასთან ერთად ჩვენ მოვახერხეთ ძლიერი სახელმწიფოს აშენება, რასაც უკან უდგას ძლიერი სამთავრობო ბირთვი. საქმის დაწყება და ბოლომდე მიყვანა ჩვენი მთავარი პრიორიტეტია“, – აცხადებს დავით ბახტაძე.
კომენტარები