“დაწყებით კლასებში მიდის მშობლებსა და მოსწავლეებზე ძალადობა” – რას წერს არჩილ გამზარდია

ჟურნალისტი, არჩილ გამზარდია, სოციალურ ქსელში, წერს:

“განათლების სისტემა სრულ ქაოსსა და განუკითხაობაშია. უმაღლეს სასწავლებლებში ყოველ სემესტრში უფრო უარესდება სწავლის ხარისხი, რადგან “დისტანციური სწავლა” მხოლოდ სახელად ჰქვია, თორემ არაფერი აქვს ამ სისტემას არაფერი აქვს საერთო “დისტანციური სწავლების” მეთოდოლოგიასთან. უნივერსიტეტები პრაქტიკულად ხელისუფლების დირექტივას დაყვნენ და სტუდენტების ინტერესებიდან კი არა, მოხელეების კომფორტის ზონიდან ამოვიდნენ.

კიდევ უფრო უარესი მდგომარეობაა სკოლებში. სკოლებში საერთოდ სრული განუკითხაობაა, დაწყებით კლასებში მიდის კლასების დაჩეხვა, არევა, მშობლებსა და მოსწავლეებზე ძალადობა. ვისაც სკოლაში სიარული უნდა, პრაქტიკულად მოძალადეობენ მათზე დისტანციურზე გადაყვანის მიზნით. სამინისტრო ფორმალურად ამბობს, რომ ერთი ბავშვი მაინც რომ დადიოდეს კლასში, სწავლა უნდა გაგრძელდეს სკოლაში და აქ საერთოდ სრული ქაოსი და მოსწავლეთა უფლებების დარღვევა ყოველდღიური რეჟიმი ხდება. კლასებს ჩეხავენ, ურევენ ერთმანეთში. მასწავლებლები კომფორტის ზონას ეძებენ, კლასებში მშობლების ერთი ნაწილი ზემოქმედებს მეორეზე რომ მოსწავლეების ნაწილმა უარი თქვას იძულებით სკოლაში სიარულზე, რადგან პრაქტიკულად აშანტაჟებენ, რომ შეუცვლიან მასწავლებელს, კლასს… დაწყებით კლასებში კი ეს ორმაგი სტრესის რეჟიმია ბავშვებისთვის. ამგვარი შანტაჟის პროცესი ხშირად მასწავლებლებისგანაცაა მართული. ძალიან ძნელი ხდება დაიცვა ბავშვი ასე ორმაგი სტრესის რეჟიმისგან, თავნება და მოძალადე ადამიანების, სკოლის არაკომპეტენტური დირექტორის ხელში, რომელსაც მართვა არ შეუძლია და სკოლებს აქცევს ინტრიგებისა მავნებლობის სივრცედ და ა.შ.

ერთი სიტყვით, საგანმანათლებლო სივრცე სრული ქაოსის პირობებშია სწავლების თითქმის ყველა საფეხურზე და ამ ყველაფრის შედეგებს ძალიან მძიმედ მივიღებთ ხვალ და ზეგ.”