ირანის საგარეო საქმეთა სამინისტრომ თავის მოქალაქეებს ურჩია, თავი შეიკავონ უკრაინაში მოგზაურობისგან „სამხედრო კონფლიქტების ესკალაციისა და უკრაინაში არსებული უსაფრთხოებასთან დაკავშირებული საფრთხეების გამო“.
სამინისტროს 21 ოქტომბერს გავრცელებულ განცხადებაში ნათქვამია, რომ უკრაინაში მცხოვრებ ირანელებს ქვეყნის დატოვებას ურჩევენ მათი სიცოცხლისა და უსაფრთხოების გადასარჩენად.
შეგახსენებთ, რომ ბოლო კვირების განმავლობაში, რუსეთმა დაიწყო რაკეტებისა და კამიკაძე-დრონების გამოყენება და იერიში მიიტანა უკრაინის ქალაქებზე, მათ შორის დედაქალაქ კიევზე.
ირანი ამ დრომდე კატეგორიულად უარყოფს ბრალდებებს, რომ რუსეთს გადასცა დრონები უკრაინის ომში გამოსაყენებლად.
კომენტარები