კაცმა სამი ქალი დაჭრა, მათ შორის დედა და ცოლი – შსს

პოლიციამ დააკავა კაცი, რომელმაც 3 ქალი დაჭრა ცივი იარაღით, მათ შორის –  ცოლი, დედა და ცოლის მეგობარი ქალი. ამის შესახებ ინფორმაციას შსს ავრცელებს. 

დაშავებულები შესაბამისი სამედიცინო დახმარების გაწევის მიზნით კლინიკაში გადაიყვანეს.

უწყების ცნობით, ბრალდებული წარსულში ნასამართლევი და ამჟამად პირობითი მსჯავრის ქვეშ მყოფი პირია, ის დანაშაულის ჩადენის დროს ალკოჰოლური ზემოქმედების ქვეშ იმყოფებოდა.

დანაშაული 20 წლამდე ან უვადო თავისუფლების აღკვეთას ითვალისწინებს.

 

გამოძიებით დადგინდა, რომ ალკოჰოლური ზემოქმედების ქვეშ მყოფმა ბრალდებულმა, მეუღლეს, დედას და მეუღლის მეგობარ ქალბატონს, ცივი იარაღის გამოყენებით რამდენიმე ჭრილობა მიაყენა. სამივე დაჭრილი შესაბამისი სამედიცინო დახმარების გაწევის მიზნით კლინიკაში გადაიყვანეს.

…პოლიციამ დანაშაულის ჩადენის იარაღი – დანა ნივთმტკიცებად ამოიღო.

გამოძიება სისხლის სამართლის კოდექსის 11 პრიმა 19-109-ე მუხლით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს,” – წერია უწყების განცხადებაში.