აშშ-ში მცხოვრები ექიმი, ზურაბ გურული:
„ახლა ვფიქრობდი იმის ახსნას, თუ რას ნიშნავს კალიუმის კონცენტრაციის შემცირება, რა ხდება დიდი ხნის შიმშილობის შემდეგ კვების დაწყების პროცესში, როგორ ვითარდება ავთვისებიანი არითმიქ წამიერად ელექტროლიტების მკვეთრი დისბალანსის გამო და ლაბორატორიული მონაცემების მომენტალური გაანალიზების გარეშე ბაზისური რეანიმაციული ღონისძიებების უშედეგობაზეც ვაპირებდი ორიოდე სიტყვის თქმას და მერე გამახსენდა, რომ ეს ის აუდიტორიაა, რომელსაც დღეში ასი კაცი უკვდება აუცრელობის გამო და მაინც ჯიუტად სჯერა, რომ ვაქცინა უფრო საშიშია; სადაც პანდემიის მართვაზე პასუხისმგებელი ექიმები ამტკიცებენ რომ ამერიკა-ევროპაზე უკეთესად მკურნალობენ კოვიდს და … გავჩერდი.
ასეთ დროს უმწეობისაგან ან უაზროდ გეღიმება, ან სასოწარკვეთა გეუფლება. აცნობიერებ, რომ არ არსებობს ძალა, რომელიც სისულელის ყოვლისშემძლეობას დაუპირისპირდება. არცერთ მეცნიერებას არ გააჩნია მაგხელა პოტენციალი.
შიმშილობისაგან გონებადაბინდულ, ფსიქოლოგიურად და ფიზიკურად გადაქანცულ ადამიანს ვუტოვებთ სრულ პასუხისმგებლობას, რათა საკუთარი იმპოტენტობით აწუწუნებული სინდისი დავიყუჩოთ. დაყუჩდება. არ იდარდოთ.“
კომენტარები