პროფესიული კავშირის “ლაბორი” ინფორმაციით, 13 მაისის აქციის ორგანიზების ფარგლებში, თბილისის ტაქსის მძღოლთა სამუშაო ჯგუფმა შეხვედრები გამართა კოლეგებთან ბათუმსა და ქუთაისში.
ადგილზე განხილულ იქნა მძღოლების საერთო პრობლემები, მოთხოვნები და სამოქმედო გეგმა.
“ვისაუბრეთ, გავაანალიზეთ განვლილი საპროტესტო მოძრაობა, განვიხილეთ სამომავლო გეგმები და შევთანხმდით საერთო მოთხოვნებზე და მიზნებზე.
გულთბილად დაგვხვდნენ ჩვენი კოლეგები, შეხვედრა პოზიტიურათ დასრულდა, აშკარაა რომ დანებებას არავინ აპირებს რაც იმედს გვაძლევს რომ ჩვენი ერთობა აუცილებლად გამოიღებს შედეგს! ჩვენ ყველა ერთად შევძლებთ მივიღოთ ღირსეული ანაზღაურება გაწეულ შრომაში!, – ამბობს აქციის მონაწილე ” ალიასთან”.
კომენტარები