“დანა და სანთებელ ყველას სახლში მოიძებნება” – ფაშისტური ჯგუფის წევრობის ბრალდებით დაკავებულის ადვოკატი

დაკავებულ ნეონაცისტურ ჯგუფის წევრებს შორის ერთ-ერთი დაცვის თანამშრომელია .

ადვოკატი  ტვ პირველთან.ამბობს:

დაკავებული უცდის ბრალის წარდგენას. ბრალის წარდგენის შემდეგ ჩამოყალიბდება თავის პოზიციაში. რასაც მე ბრალდებული მომიყვა, ვფიქრობ, ძალიან გაჭირდება მისი რაიმე ნეოფაშისტურ ორაგიზაციასთან წევრობის დადასტურება. დაკავებულებიდან ერთი არის მისი მეგობარი, დანარჩენი პირების სახელები და გვარები დავუსახელე, ვაჩვენე სურათები, მაგრამ გარდა თავისი მეგობრისა, ვერავის იდენტიფიცირება ვერ შეძლო. აბსოლუტურად არაფერი არ არის ამოღებული კანონსაწინააღმდეგო. ამოღებულია დანა, რომელიც ყველას სახლში მოიძებნება. ასევე სანთებელა, არაფერი ფაშისტური სიმბოლიკა ამოღებული არ ყოფილა. დაახლოებით 4-5 თვეა გამოძიებასთან თანამშრომლობს, აქტიური მონაწილეობა აქვს მიღებული სხვადასხვა საგამოძიებო მოქმედებებზე. სამსახურში მიდიოდა, ერთ-ერთ ორგანიზაციაში დაცვის წევრად მუშაობს. მიდიოდა, ქუჩაში შეაჩერეს, მოხდა მისი პირადი ჩხრეკა, მიიწვიეს მერე სახლში ბინის ჩხრეკაზე და მის შემდეგ მოხდა დაკავება”, – ამბობს ადვოკატი. 

ნეონაცისტური დაჯგუფების წევრები ბრალის წარდგენას ელოდებიან. როგორც ადვოკატები ამბობენ, დაკავებულები ნეონაცისტურ დაჯგუფებასთან კავშირს კატეგორიულად გამორიცხავენ.

ცნობისთვის, 16 პირია დაკავებული, რომეთაგან 10 არასრულწლოვანია.

დაკავებულია ფაშისტური დაჯგუფების 16 წევრი – 10 არასრულწლოვანია