“ნაციონალური მოძრაობის” თავმჯდომარეობის კანდიდატი, ლევან ხაბეიშვილი, “ტვ პირველთან” საუბრისას, პასუხობს, ირაკლი კობახიძეს, რომელმაც პარტიის თავმჯდომარეობის ყველა კანდიდატს უინტელექტო უწოდა და ამბობს:
კობახიძეს რომ ჭკვიანი ვეგონო, ამაზე უფრო ვინერვიულებდი, კობახიძე რომ დადგეს და ხაბეიშვილი გადასარევი ბიჭია და ჭკვიანია და წესიერიაო, რომ თქვას… დარწმუნებული ვარ, იგივეს იტყვის ნიკაც და გიორგიც. კობახიძე რომ გაქებდეს, მაშინ იქნებოდა ჩვენი საქმე წასული, ოღონდ ამ ხალხს ხელისუფლება აბარია და ხალხზე უნდა იზრუნონ და უამრავი გაჭირვებაა ქვეყანაში. აგერ, ლანჩხუთში ვიყავი, მილიონები გადაიხადეს და ტალახიანი წყალი მოდის, აბა, დალიოს კობახიძემ ტალახიანი წყალი, როგორი იქნება, ან იაროს სამ კილომეტრზე სუფთა წყლის მოსატანად და დამატებით თანხები გადაიხადოს, მაშინ როცა, მისი ფულიდან, ბიუჯეტიდან აიღებენ ფულს და თითქოს წყალი გაუკეთეს – აბა, ნახოს როგორი იქნება. აბა, ტალახიანი წყლით კბილების გახეხვა, ნახოს როგორია. ჩამოვიდეს ლანჩუთში და ნახოს ადამიანები როგორ ცხოვრობენ.
ცნობისთვის, ლევან ხაბეიშვილმა განაცხადა, რომ ლანჩხუთის მერიამ, მილიონები გადაიხადა 5 სოფლისთვის რომ წყალი მიეწოდებინათ, ოღონდ, 2 სოფელს წყალი ისევ არ აქვს და 3 სოფელს კი ტალახიანი წყალი მიეწოდება, მათ შორის, საბავშვო ბაღს, რის გამოც, აღსაზრდელებს ონკანის წყალს არ ასმევენ და ყიდულობს ბავშვთა ბაღის დირექცია სასმელ წყალს.
მან აგრეთვე განაცხადა, რომ ლანჩხუთიდან, მოქალაქემ მიუტანა წერილი და სთხოვა მას, მისი მესიჯი, საჯაროდ გაეხმოვანებია:
“მამათელია, ბადრი კილაძე, საჯაროდ თქვიო, რომ ამ ხელისუფლებამ თავი მაგრძნობინა მონად.”
კომენტარები