პოლიტოლოგი, ლევან ლორთქიფანიძე:
სანამ ივანიშვილი სახელმწიფოს მეთაურის სავარძელში ტომრის დაგდებას ცდილობს, ზოგიერთი ტვინგაცხელებული ოპოზიციონერი კი პრეზიდენტის სასახლეში მეორე ქართული ალამუთის მოწყობას გეგმავს (პირველი წამში დაეცა), დიდი ძვრებია სოციალურ ფლანგზე:
🚩 არჩევნების დასრულებიდან რამდენიმე დღეში გააჩერეს ჭიათურის მაღარო, ფერო, ხალხს ხელფასები გაუნახევრეს, ადამიანები შიშით ელიან საწარმოს ამუშავებას.
იმავე ტრაგედიის სიო იგრძნობა ტყიბულსა და აგარაში:
ტყიბულში კრიტიკულად მოაზროვნე მეშახტეებს მიადგნენ და გამოყარეს სამსახურებიდან. აგარაში დაპირებული მეცამეტე ხელფასის ნაცვლად მუშებს მხოლოდ ორ-ორი ტომარა შაქრის გადაცემას დაპირდნენ.
სანამ გვიან არ არის, შემორჩენილი ინდუსტრიის მშრომელებს გვერდით უნდა დავუდგეთ. ეს ხელისუფლება ყველაფერზეა წამსვლელი, უფრო მეტ უმუშევრობასა და გაუარესებულ შრომით პირობებზეც! ფეხზე არ ჰკიდიათ დასაქმებული და მისი ბედი!
🚩 პარალელურად, უძლიერეს, უსერიოზულეს აქტორად ყალიბდება საჯარო მოხელეთა პროფკავშირი, მათ ლიდერებს დევნიან, ათავისუფლებენ. უმამაცესი საჯარო მოხელეების მიტოვება, რომელთაც ყოველდღე ემუქრებიან და აშინებენ, დანაშაულია!
🚩 რამდენი რამ შეიცვალა ამ ქვეყანაში, მაგრამ ირაკლი პეტრიაშვილი ვერ მოვიცილეთ (წაიკითხეთ ბუთას სვეტი: https://www.mautskebeli.ge/free-column/2755)
დღეს ამ სუბიექტმა პროფკავშირის შენობაში არ შეუშვა პროფკავშირის წევრები. ამითაც არ დაკმაყოფილდა, დაასისხლიანებინა ისინი, კბილები ჩაუმტვრიეს ზოგიერთს.
პროფკავშირული კონფედერაცია ამ კაცისა და მისი ბანდის წევრთა პირადი საკუთრება არ არის. პროფკავშირის გამგეობის წევრებო, ყელში არ ამოგივიდათ?! ხმა ამოიღეთ! გამოაძევეთ სკამზე შეზრდილი კაცი, უკვე ავად არის, იხრჩობა ცოდვებისგან! ყველაზე დიდი პასუხისმგებლობა მასწავლებლების კავშირს ეკისრება!
🚩 პროტესტის უმნიშვნელოვანესი კერა გიზგიზებს საზმაუსთან. მართალია საზმაუ უარს ამბობს დღის ეთერის გახსნაზე, საათში ორჯერ იწვევს მამუკა არეშიძეს ჩვენი ხმის ჩასახშობად, ფეხებს აბაკუნებენ პროტესტანტთა ყველა მოთხოვნის გაგონებისას, მაგრამ საქმე მაინც კეთდება!
ხელისუფლების პროპაგანდონების, ლიბერალური ოპოზიციისა და სამოქალაქო სექტორის ხმების გარდა, საზმაუზე გამოჩდნენ ტყიბულელი მეშახტეები, აზერბაიჯანულენოვანი აქტივისტები, სოციალური სამართლიანობისთვის მებრძოლი ინტელექტუალები და ა.შ.
🚩 ხვალ, 15 საათზე პლეხანოვზე, რკინიგზელთა სახლთან (ახალ თეატრთან) ეწყობა უმნიშვნელოვანესი დემონსტრაცია. ხალხი ითხოვს ვალების გაყინვას ბანკებისგან. ვალების გაყინვა დროებით მაინც გაათავისუფლებდა ადამიანებს ბორკილებისგან და მათ გაუადვილებდა ბრძოლას ქვეყნის ევროპული მომავლის დაცვის, მოძალადეების დასჯისა და უკანონოდ დაკავებულთა გათავისუფლების მოტივით !!!
☂️ დიდი ქოლგა სჭირდება ყველა ამ მოვლენის ერთად თავმოყრას, ამ მოვლენების სინერგიას.
ეს არის ნამდვილი ბრძოლა ნამდვილი დემოკრატიისათვის!
დაგვეხმარეთ !!!
კომენტარები