„დაძლიეთ შიში და სიტყვით მაინც ებრძოლეთ ბოროტებას! ხალხი თუ ვერ დაგიფასებთ, ზეცაში დაიუნჯებთ!“ – ზვიად ტომარაძე მორიგ აქციას აანონსებს

მოძრაობა „ერი და სახელმწიფოს“ დამფუძნებელი ზვიად ტომარაძე სოციალურ ქსელში ინფორმაციას ავრცელებს:

„ძალიან გამიხარდა ცნობილი მომღერლის ირაკლი ფირცხალავას მხარდაჭერა! მთელს მსოფლიოში კოვიდფაშიზმი მძვინვარებს! თითქმის ყველგან ცნობადი სახეები გამოდიან და დგანან ხალხის გვერდით! საქართველოში 70% აუცრელია, ანუ არ ენდობა ვაქცინის სარგებლიანობას! როგორ დავიჯერო, რომ ყველა ცნობადი სახე იმ 30%–ში მოხვდით. დავუშვათ ასეა, მსოფლიოში და ჩვენს აქციებზეც აცრილი ადამიანებიც დადიან, რადგან მათთვის მიუღებელია ძალდატანება და ტერორი! ჰოდა გამოდით და დადექით სიმართლის მხარეს! თუ აქციაზე მოსვლას ვერ ბედავთ, დაძლიეთ შიში და სიტყვით მაინც ებრძოლეთ ბოროტებას! ხალხი თუ ვერ დაგიფასებთ, ზეცაში დაიუნჯებთ! 13 ნოემბერს, შაბათს 15:00–ზე ვიკრიბებით რესპუბლიკის მოედანზე!“ – წერს ზვიად ტომარაძე.