“კოალიცია ცვლილებისთვის”, რომლის სამი ლიდერი თეა წულუკიანის ე.წ. საგამოძიებო კომისიაზე გამოუცხადებლობის გამო პატიმრობაშია, მიხეილ ყაველაშვილის განცხადებას ეხმიანება და წერს, რომ “რეჟიმთან თანამშრომლობასა და მათთვის ლეგიტიმაციის მინიჭებას” არცერთ ეტაპზე არ აპირებენ.
კოალიციის განცხადებით, მიხეილ ყაველაშვილის განცხადებამ “დაადასტურა, რომ პოლიტიკური ლიდერები რეალურად უსამართლოდ და რეჟიმის ლეგიტიმაციის არ ცნობის გამო დაატყვევეს”.
ე.წ. პრეზიდენტის პირით რეჟიმმა დაადასტურა, რომ ადგილობრივ არჩევნებად წოდებულ ყალბ, კრიმინალურ პროცესში პროდასავლური ძალების მონაწილეობა არის რეჟიმის გადარჩენისა და ცვლილებების გადავადების ერთადერთი გზა და რომ ამის მისაღწევად ყველანაირ გარიგებაზე წავლენ.
დადასტურდა ისიც, რომ პოლიტიკური ლიდერები რეალურად უსამართლოდ და მხოლოდ და მხოლოდ იმიტომ დაატყვევეს, რომ მათ არ აღიარეს გაყალბებული არჩევნების შედეგები და არ ცნეს რეჟიმის ლეგიტიმაცია.
ნათელი გახდა, რომ რეჟიმი საკუთარი ლეგიტიმაციის ერთადერთ გზად განიხილავს პროდასავლური ძალების ე.წ. თვითმმართველობის არჩევნებში მონაწილეობას და სწორედ ამ საკითხზე ვაჭრობს პოლიტიკური პატიმრების თავისუფლებით.
ჩვენი პოზიცია არის უცვლელი – არცერთ ეტაპზე არ ვაპირებთ რეჟიმთან თანამშრომლობასა და მათთვის ლეგიტიმაციის მინიჭებას. გამარჯვების გზა გადის ართანამშრომლობასა და წინააღმდეგობაზე.
ბოლომდე!- წერია “კოალიცია ცვლილებისთვის” განცხადებაში.
ცნობისთვის, ცოტა ხნის წინ, მიხეილ ყაველაშვილმა დაწერა, რომ ყველა პოლიტიკოს პატიმარს, რომელიც შეწყალების შესახებ განცხადებით მიმართავს და დაადასტურებს, სურვილს არჩევნებში მონაწილეობის შესახებ, შეიწყალებს.
არჩევნებში თუ მიიღებთ მონაწილეობას, შეგიწყალებთ – ყაველაშვილი დაჭერილ პოლიტიკოსებს
კომენტარები