დადასტურდა, დედაჩემი მხოლოდ იმიტომ გამომიგდეს სამსახურიდან, რომ პენიტენციური სამსახური ვამხილე – რა დოკუმენტს აქვეყნებს ლექსო კობაიძე?

ადვოკატი, ლექსო კობაიძე, სოციალურ ქსელში, აქვეყნებს სახალხო დამცველის დასკვნის ნაწილს და წერს:

“მინდა მადლობა გადავუხადო საქართველოს სახალხო დამცველ ქალბატონ ნინო ლომჯარიას, რომელმაც ჩემი ოჯახის პოლიტიკური დევნის ფაქტი წერილობით (დასკვნით) დაადასტურა, რითიც კიდევ ერთხელ დადასტურდა, რომ დედაჩემი მხოლოდ იმიტომ გამომიგდეს სამსახურიდან, რომ ჩემი კრიტიკული (ობიექტური) დამოკიდებულება მქონდა პენიტენციური სამსახურის მიმართ, როგორც წინა იუსტიციის მინისტრის მიერ, ასევე დღესდღეობით მოქმედი დასაქმებული საჯარო მოხელეებისადმი, რომლებმაც შეიწირა დედაჩემის სამსახური ვამხილე და კიდევ ვამხელ.

მოუწოდებ ახალ იუსტიციის მინისტრს Rati Bregadze ყველა მონაწილე პირი, ვინც დედაჩემი დისკრიმინაციულად (პოლიტიკური ნიშნით) გაათავისუფლა, ყველას სამართლებრივად მოეთხოვოს პასუხი”

შეგახსენებთ, როცა ალექსანდრე კობაიძეს, რუსთავის მაჟორიტარი დეპუტატობის კანდიდატის დედა სამსახურიდან გაათავისუფლეს, მაშინ მინისტრი წულუკიანი განმარტავდა, რომ მართალია, ქალბატონი თინა კანცელარიაში მუშაობს, მაგრამ მას ევალება “ელექტროგაყვანილობის, ელექტრომოწყობილობების, სავენტილაციო ძრავების, ასევე საკნებში/პალატებში ელექტრომოწყობილობების, გარე განათების გამართული მუშაობის უზრუნველყოფა და ხარვეზის აღმოფხვრა, ასევე, შედუღება, ინვენტარის შეკეთება, საკანალიზაციო სისტემის გამართული მუშაობა და ა.შ.” და ამ მოვალეობებს ვერ ასრულებსო. “ალიას” მაშინვე გვქონდა კითხვები:

“მინისტრი გვეუბნება, რომ აიყვანა სანტექნიკოსის, დურგალის, ელეექტროობის სპეციალისტის და შემდუღებლის ვაკანსიაზე ერთი პირი და ეს იყო ქალბატონი თინა? და ასეთ უნივერსალურ თანამდებობაზე დანიშნულ ადამიანს ამუშავებდა კანცელარიაში?

უკაცრავად და მთელი ეს წლები, სანტექნიკის, დურგალის, ელექტროობის სპეციალისტის და შემდუღებლის საქმეს ვინ აკეთებდა? – არავინ?”