მაკა სახურია:
აცხოვნოს უფალმან სული კობა დავითაშვილისა…
დაბადების დღეს გილოცავ, გულიანო, უმამაცესო, უჭკვიანესო და უმაგრესო ადამიანო… ერთგულო და კეთილო მეგობარო…
50 წლისა გახდებოდი დღეს და ამ ასაკის მერე არის ალბათ სიჭარმაგეს შემდგარი ადამიანი, რასაც შენ ვერ მოესწარი, დარჩი მარად ახალგაზრდა, შეუპოვარი…
ვერ წარმომედგინა, თუ შენ რამე წაგაქცევდა, კობა, მაგრამ ძალადობასა და პირსისხლიან რეჟიმს ვერაფერი შეაკავებს… შენს მწამებლებს რისი სული უდგათ, საით და როგორ უნდა ზიდონ ეს ცოდვა?
შენი ხსოვნა ჩვენს გულებში არასოდეს წაიშლება, კობა, ხოლო შენი ოჯახის ლამაზ მომავალს შექმნიან შენი საოცარი მეუღლე და საუკეთესო შვილები…
ბიჭებს ვუსურვებ ყველა ჩანაფიქრის ასრულებას, წინსვლას და ბედნიერებას… ინგას ნუგეშისცემა ძნელია…
ვუსურვებ სულის სიმხნევესა და შვილებით გახარებას… კობა, მადლობა ყველაფრისთვის, რაც ჩემთვის, ჩვენთვის, ჩვენი ქვეყნისთვის გიკეთებია… მიიღე ჩემი უსაზღვრო სიყვარული და პატივისცემა…
შეგახსენებთ, კობა დავითაშვილი 1971 წლის 31 ივლისს დაიბადა და 2020 წლის 2 დეკემბერს გარდაიცვალა. გარდაცვალებამდე ცოტა ხნით ადრე იგი წერდა, რომ წამლის ფულიც კი არა აქვს და ტანჯვით სიკვდილისთვისაა განწირული.
კომენტარები