“ენმ”–ის წევრი, რომან გოცირიძე:
არგენტინის, ბრაზილიისა და მექსიკის პრეზიდენტებმა ამერიკის ქვეყნების კონფერენციაზე უარი განაცხადეს შეერთებოდნენ დეკლარაციას, რომელიც გმობს რუსეთის აგრესიას უკრაინაში. ერთი საინტერესო დამთხვევა-სამივე ანტივაქსერია, ორი რუსული “სპუტნიკითაა” აცრილი (სხვა გზა რომ არ ჰქონდათ), ერთიც საერთოდ აუცრელია (ბრაზილიის).
სხვათა შორის, უნგრეთი ევროკავშირის ერთადერთი ქვეყანაა, სადაც “სპუტნიკით” აცრა ნებადართულია, ხოლო ამ ქვეყნის პრეზიდენტი ორბანი ჩინური ვაქცინით არის აცრილი:))
კანადაში ჩატარებული გამოკითხვის მიხედვით, ანტივაქსერები ნაკლებად სოლიდარულები არიან უკრაინის მიმართ, ვიდრე პროვაქსერები.
კიდევ ერთი სიახლე-გერმანიაში ამ დღეებში დააკავეს ერთი კაცი, რომელიც 87-ჯერ აიცრა. იმ ანტივაქსერების ნაცვლად იკეთებდა ვაქცინას გაყალბებული საბუთებით, რომელთათვისაც აცრა სავალდებულო იყო. ბლომად ფული იშოვა, მაგრამ არ გაუმართლა, ციხეში ამოჰყო თავი თაღლითობისათვის. ეს კაცი კანადის გამოკითხვას თუ მოჰკრა სადმე თვალს, ალბათ იტყვის, პოლიტპატიმარი ვარ, უკრაინისადმი სოლიდარობის ნიშნად ვიცრებოდი და არა ფულისთვისო:))
ჩემი აზრით, ანტივაქსერებს განსხვავებული სიზმრები ესიზმრებათ, ვიდრე პროვაქსერებს. მოვა დრო და ამასაც დაადასტურებენ მეცნიერები. არ მოვყვები, რითი განსხვავდებიან ეს სიზმრები, დიდ დროს წაგვართმევს. ზოგადად, სიზმრების მოყოლა სახიფათოა, ვაი თუ ვინმე ფროიდის მცოდნემ მოისმინოს და ამოიცნოს თქვენი იდუმალი ზრახვები.”
კომენტარები