CNN აშშ-ს პრეზიდენტის ადმინისტრაციის თანამდებობის პირზე დაყრდნობით წერს, რომ რუსეთმა უკრაინის საზღვრების გასწვრივ თავისი ჯარი, დაახლოებით, 7 000 პერსონალით გაზარდა. ინფორმაცია ამის შესახებ იმ ფონზე ვრცელდება, რომ ბოლო ორი დღის განმავლობაში კრემლი ამტკიცებს, რომ მას უკრაინიდან ჯარები გაჰყავს, NATO-ს კი დეზინფორმაციულ კამპანიაში ადანაშაულებს.
“ყველაფერი აჩვენებს, რომ ისინი მხოლოდ საჯაროდ არიან მზად მოლაპარაკებებისა და დეესკალაციისთვის, მაშინ, როდესაც ჩუმად ომისთვის ემზადებიან”. – ამბობს თეთრი სახლის მაღალჩინოსანი გამოცემასთან საუბარში.
პრეზიდენტის ადმინისტრაციაში დასაქმებული წყარო CNN-თან საუბარში ასევე ყვება, რომ რუსეთი თავდასხმისთვის ყალბ საბაბს გამოიყენებს, მათ შორის NATO-ს აქტივობებსა და რუსეთის ტერიტორიაზე შეჭრას.
“ჩვენ უნდა ველოდოთ მეტ ყალბ ცნობებს რუსეთის სახელმწიფო მედიისგან მომდევნო დღეების განმავლობაში. ჩვენ არ ვიცით, რა ფორმა ექნება საბაბს, რომელსაც რუსეთი გამოიყენებს, მაგრამ იმედი მაქვს, რომ მსფოლიო მზად არის”. – ამბობს ადმინისტრაციის თანამშრომელი.
კომენტარები