,,კავკასიის” დირექტორი, ნინო ჯანგირაშვილი:
,,მეგობრებო, ბოდიში ვერავის ვერ გიპასუხეთ ზარებზე და მესიჯებზე. ამბავი იყო ასეთი: ჩვენი ჟურნალისტის, ნინი კოდალაშვილის წაყვანა უნდოდათ განყოფილებაში იმ მოტივით, რომ ის შეესწრო ზვიად რატიანის დაკავებას. თითქოსდა მოწმედ მიყავდათ. თან უნდოდათ მისი ტელეფონის “ამოღება“ და დათვალიერება. ვერანაირი დამაჯერებელი სამართლებრივი პროცედურა ვერ ჩაატარეს. ჩვენ უარი ვთქვით ადვოკატის და შესაბამისი პროცედურების გარეშე გავყოლოდით სადმე. ეპიზოდურად დაგვემუქრნენ იძულებით, მაგრამ საბოლოოდ გადაიფიქრეს. ჟურნალისტი დაკითხვაზე მივა მხოლოდ იმ შემთხვევაში, თუ ჩატარდება სწორი სამართლებრივი პროცედურები, ან არ მივა, და საერთოდაც მოვიქცევით ისე, რის საშუალებასაც კანონი მოგვცემს იურისტებთან კონსულტაციის შემდეგ. ჟურნალისტმა რომ მოწმედ იაროს ყველა ფაქტზე, რასაც შეესწრება, ყოველდღე პოლიციაში უნდა იჯდეს. რაც შეეხება ტელეფონს, ჩვენ არ ვაპირებთ ჩვენი პირადი ნივთები, სადაც უამრავი პირადი ინფორმაციაა ვაჯიჯგნინოთ პოლიციას და თან ამ პირად ნივთებს მერე ან დაგვიბრუნებენ ან არა. მოკლედ, პოლიციამ კეთილი უნდა ინებოს და ჩაეტიოს კანონის ფარგლებში, ისედაც უზარმაზარი ფარგლები უბოძეს ქოცებმა. ჩვენც ვიმოქმედებთ კანონის მიხედვით. და რაც მთავარია, უდიდესი მადლობა აქტივისტებს. ვიდექით ორი ქალი მარტო პოლიციის პირისპირ , თითქოს გარშემო არავინ იყო და უცებ საიდან გაჩნდნენ ამდენნი და ეგეთი მაგრები არ ვიცი. ეს ხალხი არის ამ ქვეყნის იმედი და სუფთა ჰაერი. “
კომენტარები