“ჩვენ თავს ჩვენვე უნდა მივხედოთ, მოდის ახალი შტამი – ომიკრონი” – კავკასიძე

მედიცინის დოქტორი, სამედიცინო ცენტრის „ლაბუნი“ ხელმძღვანელი, გიორგი კავკასიძე:

“ახალი წლის მოახლოებასთან ერთად იზრდება კოვიდ-19 „შემოტევის“ რისკები

1. მოდის ახალი ვარიანტი/შტამი ომიკრონი. ცნობილია რომ გავრცელების სიჩქარით უფრო სწრაფად ვრცელდება ვიდრე დელტა ვარიანტი. ჯერჯერობით არ არის დაზუსტებული, სხვა ვარიანტებთან/შტამებთან შედარებით უფრო აგრესიულია თუ არა.

2. მოსახლეობის >60% აუცრელია რაც ზრდის საავადმყოფოების გადატვირთვის საშიშროებას;

3. დაიწყო გრიპის სეზონი. ორი ვირუსილი ინფექციით ერთდროულად ინფიცირება (თვინდემია) გაცილებით საშიშია ვიდრე მხოლოდ კოვიდ-19 ან მხოლოდ გრიპი.

4. საზღვრები „ღიაა“ ახალი ვარიენტების/შტამების შემოსასვლელად, რადგან საქართველოში შემომსვლელებს, რომლებიც ვაქცინირებულები არიან, არ ვთხოვთ PCR ტესტს (ორჯერ/სრულად აცრილებმაც შეიძლება შემოიტანოს SARS-CoV-2 რომელიმე ვარიანტი/შტამი);

დავწერდი რა უნდა გააკეთოს სახელმწიფომ პროაქტიულად, მაგრამ აზრი არ აქვს – არ გააკეთებენ.

ამიტომ ჩვენს თავს ჩვენვე უნდა მივხედოთ – ვაქცინაცია, პირბადე, გლიპერა, დისტანცია, ჰიგიენა.

ჯანმრთელობას გისურვებთ”