ჩვენ ყველა პოლიტიკოსმა უნდა დავდოთ პირობა – ელენე ხოშტარია

ჩვენ ხელისუფლებაში მოვდივართ არა იმიტომ, რომ ჩავანაცვლოთ კალაძე თუ ადიკო, არამედ იმიტომ, რომ ავაშენოთ ღირსეული, ეფექტური, ადამიანზე ორიენტირებული სახელმწიფო ინსტიტუტები, – ამის შესახებ საგანგებო ბრიფინგზე განაცხადა პოლიტიკური პარტია „დროას“ ლიდერმა ელენე ხოშტარიამ. ხოშტარია მოუწოდებს პოლიტიკოსებს დადონ პირობა, რომ არავის აღარ გაუვა ადამიანის ასე გათელვა. მე, როგორც ოპოზიციის წარმომადგენელმა და კოალიციის წარმომადგენელმა, გარდა იმისა, რომ ვილაპარაკო, როგორ ცუდად ეპყრობა „ქართული ოცნება“ და ეს სისტემა ჩვენს მოქალაქეებს, მინდა საგანგებოდ მივმართო ყველას, რომ თუ ჩვენ 2 ოქტომბრის შემდეგ არ ავაშენეთ სახელმწიფო, სადაც ადამიანის ღირსება, მისი უფლებები, პროფესიონალიზმი, სიმშვიდე არ იქნება ღერძი და მთავარი ჩვენი ამოცანების, ნული იქნება ფასი ყველა პოლიტიკური პარტიისა და ყველა პოლიტიკოსის, ყველა ჩვენგანის ჩათვლით.

ამიტომ, დამოუკიდებლობის 30 -წლიანი ისტორიის თავზე, ჩვენ ყველა პოლიტიკოსმა უნდა დავდოთ პირობა, რომ არავის აღარ გაუვა ადამიანის ასე გათელვა. ჩვენ ხელისუფლებაში მოვდივართ არა იმიტომ, რომ ჩავანაცვლოთ კალაძე თუ ადიკო, არამედ იმიტომ, რომ ავაშენოთ ღირსეული, ეფექტური, ადამიანზე ორიენტირებული სახელმწიფო ინსტიტუტები, რომლებიც დაიცავენ ადამიანს, უზრუნველყოფენ შემოსავალს და ღირსეულ ცხოვრებას ჩვენს სახელმწიფოში,“- განაცხადა ხოშტარიამ.