“ჩვენ ნამდვილად ვიყავით აფხაზეთში” – რას წერს ირმა ინაშვილი, რომელსაც კრემლისგან დაფინანსებას ედავებიან?

“პატრიოტთა ალიანსის” ერთ-ერთი ლიდერი, ირმა ინაშვილი, სოციალურ ქსელში, წერს:

“ეს ყველაფერი ერთი, დიდი ტყუილია! ეს არის იაფფასიანი აფერა!

ეს არის აფერა, ეს არის სპექტაკლი, თავად სააკაშვილმა და ბოკერიამ ინტერნეტგვერდზე დააწერინეს ტყუილი, მერე თავის აგენტს, ვინმე კუროპტევს გააკეთებინებს ტყუილი კომენტარი, შემდეგ თავის ტელევიზიებს ტყუილ კომენტარზე გააკეთებინეს ტყუილი სიუჟეტები და ახლა ტყუილ სიუჟეტებზე დაწერილი ტყუილი განცხადება შედის პროკურატურაში.

ეს თეატრი, ეს სპექტაკლი რატომ დაიდგა? იმიტომ, რომ 1%-ზე ნაკლები აქვს ბოკერიას, 3,5%-ზე ნაკლები აქვს სააკაშვილს და ეს დაადასტურა 750 000 აუდიოჩანაწერმა, რაც ჩვენ ხელთ გვაქვს და ეს ხდება იმიტომ, რომ ჩვენ ნამდვილად ვიყავით აფხაზეთში, ხოლო ამ ხალხმა კოდორი და ახალგორი ჩააბარა!

სხვათა შორის, იმ ინტერნეტგვერდზე პირდაპირ წერია, რომ ამ გვერდზე განთავსებული მასალების ნამდვილობაზე პასუხს არავინ არ აგებს.”

შეგახსენებთ, გუშინ გავრცელდა ინფორმაცია, რომ 2020 წლის საპარლამენტო არჩევნებში კრემლი “პატრიოტთა ალიანსს” პირდაპირ ეხმარება.