ჩემი ყურით ვუსმინე, ეს კაცი ამას რომ ამბობდა – თამარ ჩერგოლეიშვილი

თამარ ჩერგოლეიშვილი, სოციალურ ქსელში, მამუკა ხაზარაძეს პასუხობს:

“ეს კაცი ამბობდა, მსგავსი მეთოდებით მელიას გამოსყიდვა ჩემთვის მიუღებელიაო – ჩემი ყურით ვუსმინე დანიელსონის წინა ვიზიტის დროს.

ასევე ამბობდა, თვითმმართველობაზე არჩევნების მიბმა მიუღებელიაო – წერილი გამოაქვეყნეს. მელიას, რომელის დაჭერის გამოც შეიქმნა კრიზისი, რის შედეგადაც ხაზარაძემ ორ პროცენტიანი ბარიერი და ცესკოში 8 პროფესიული წევრი მიიღო, დილემის წინაშე აყენებს, ხარკი გადაახდევინე საკუთარ თავშიო. ანუ რის გამოც ციხეში ჩაჯექი, ის ქენი, რომ მე იმაზე ცუდად არ გამოვჩნდე, ვიდრე ვჩანვარო.

რავი აბა – ის 3 პროცენტი რატომ ენდო ნეტა?”

შეგახსენებთ, მამუკა ხაზარაძემ თქვა:

“მიდის მსჯელობა, თუ კიდევ რა თეორიული შანსი არსებობდა. არსებობდა 2 შანსი და მესამეზეც მოგახსენებთ, მესამეც არსებობს, მაგრამ ხელშეკრულებაში, რომელიც იქნა დადებული, არსებობდა ევროკავშირის სპეციალური ფონდის ჩართვა მელიას გათავისუფლებასთან დაკავშირებით და მინდა გითხრათ, ის ფაქტი, რომ ევროკავშირის სპეციალური ფონდი მზად არის მელიას გირაოს გადასახდელად, ეს უკვე საკმაოდ სერიოზული სილა და ლუსტრაციაა იმ მდგომარეობის, რაშიც ქართულმა ოცნებამ ჩააყენა მართლმსაჯულება, მსგავსი პრეცედენტი მე არ მახსენდება, ეს, პრაქტიკულად, აღიარებაა, რომ მელია უკანონოდ არის დაპატიმრებული…”