ოკუპირებული ცხინვალის რეგიონიდან თბილისში გადმოყვანილი გენადი ბესტაევი გარდაიცვალა. ოკუპანტების ტყვეობიდან გათავისუფლებული მძევალი ბოლო თვეების განმავლობაში კომატოზურ მდგომომარეობაში იმყოფებოდა.
ბესტაევის და, ნაირა გუდაძე ტვ პირველთან ამბობს, რომ ირაკლი ღარიბაშვილის მთავრობას დროული რეაგირება რომ მოეხდინა და 52 წლის კაცი ტყვეოიბიდან დაეხსნა, გენადი ბესტაევი ცოცხალი იქნებოდა.
ჩემი ძმა უპატრონობის გამო მოკვდა, არავინ ეუბნებოდა, რომ იქ ცხოვრება უსაფრთხო იყო. ორი წელია ამას ვქადაგებდი. რეჟიმმა სიკვდილის პირას მიიყვანა და მერე გადმოსცა ქართულ მხარეს. მოკლეს და გადმოაგდეს!”- აცხადებს გარდაცვლილის და.
52 წლის გენადი ბესტაევი ცხინვალიდან თბილისის მიერ კონტროლირებად ტერიტორიაზე 16 ნოემბერს, გვიან ღამით გადმოიყვანეს. მანამდე მას ცხინვალის ციხეში ინსულტი განუვითარდა.
გენადი ბესტაევი რუსმა სამხედროებმა სოფელ ზარდიაანთკარიდან 2019 წლის 19 ნოემბერს გაიტაცეს. დე ფაქტო რეჟიმმა მას სამი წლით პატიმრობა მიუსაჯა.
კომენტარები