ჩეხეთში მედიკოსებმა კორონავირუსის Delta შტამის ახალი მუტაციით, AY 4.2.-ით ინფიცირების 3 შემთხვევა გამოავლინეს. ინფორმაციას iDnes ავრცელებს.
“სუბვარიანტ AY 4.2-ის გავრცელებას ახლა ყურადღებით ვაკვირდებით. მისი სიხშირე ოდნავ იზრდება ევროპის ქვეყნებში, მაგალითად, დიდ ბრიტანეთში. კვლევის შედეგების მიხედვით, ეს სუბვარიანტი უფრო აქტიურად ვრცელდება, მაგრამ მას ანტისხეულების მიმართ დაახლოებით ისეთივე წინააღმდეგობა აქვს, როგორიც Delta-ს სხვა ვარიანტებს“, – განაცხადა ჩეხეთის რესპუბლიკის საზოგადოებრივი ჯანდაცვის სახელმწიფო ინსტიტუტის დირექტორმა, ბარბარა მაცკოვამ.
ევროპის დაავადებათა კონტროლისა და პრევენციისა ცენტრი ამჟამად ამ სუბვარიანტს სწავლობს, რათა გაარკვიოს, არის თუ არა ის ვაქცინაციისა თუ მკურნალობის მიმართ უფრო მდგრადი.
ამავდროულად, მაცკოვას თქმით, უფრო დიდ შეშფოთებას მუტაცია E484K იწვევს, თუმცა, ეს ვარიანტი ჩეხეთში ჯერ ნაპოვნი არ არის.
ჩეხეთის ჯანდაცვის სამინისტროს მონაცემებით, ბოლო დღე-ღამის განმავლობაში ქვეყანაში COVID-19-ის 5650 შემთხვევა გამოვლინდა. სტაციონარში 3803 ინფიცირებულია. კორონავირუსის გამოვლენის დადებითობის მაჩვენებელი ბოლო შვიდი დღის განმავლობაში 100 ათას ადამიანზე 718-ს შეადგენს.
კომენტარები