ჩეხეთის პრეზიდენტი, მილოშ ზემანი პრაღის ცენტრალურ სამხედრო საავადმყოფოშია მოთავსებული. სახელმწიფოს მეთაური კლინიკაში სასწრაფო დახმარებამ მიიყვანა.
პრაღის ჰოსპიტალში ზემანი საკუთარი ქალაქგარეთა რეზიდენციიდან მიიყვანეს, სადაც ის მანამდე ქვეყნის პრემიერს შეხვდა და ჩატარებული საპარლამენტო არჩევნები მიმოიხილეს.
ჩეხეთის საპარლამენტო არჩევნებში ოპოზიციურმა მემარჯვენე-ცენტრისტულმა პარტიამ გაიმარჯვა.
მემარჯვენე-ცენტრისტულმა ოპოზიციურმა ჯგუფმა ჩეხეთის საპარლამენტო არჩევნებში ქვეყნის პრემიერის, ანდრეი ბაბიშის პოპულისტური პარტია დაამარცხა და მოკავშირეებთან ერთად ახალი მთავრობის ფორმირების შესახებ განაცხადა.
ოპოზიციურმა ჯგუფებმა – “ერთად” და “მეკობრეებმა” პარლამენტის ქვედა პალატის 200 ადგილიდან 108 მოიპოვეს, რაც მათ პრემიერის მხარდამჭერი პარტიების შეცვლის საშუალებას აძლევს.
კომენტარები