უკრაინის გენერალური პროკურორი ირინა ვენედიქტოვა სოციალურ ქსელში წერს, რომ უკრაინის პროკურატურამ ბუჩაში მშვიდობიანი მოქალაქეების წამებაში მონაწილე ,10 რუსი სამხედრო მოსამსახურის ვინაობა დაადგინა.
ვენედიქტოვას ინფორმაციით, ბუჩაში მოქალაქეების წამებაში მონაწილეობდნენ: უმცროსი სერჟანტი ვიაჩესლავ ლავრენტიევი, რიგითი გრიგორი ნარიშკინი, რიგითი ვასილი კნიაზევი, კაპრალი სემიონ მალცევი, რიგითი სერგეი პესკარევი, რიგითი ალბერტ რადნაევი, კაპრალი მიხაილ კაშინი, კაპრალი ანდრეი ბიზიაევი, კაპრალი დმიტრო სერხიენკო და სერჟანტი ნიკიტა აკიმოვი.
„ძალიან მოკლე დროში გამოძიებამ დაადგინა, რომ ბუჩას ოკუპაციის დროს მათ მძევლად აიყვანეს შეუიარაღებელი მშვიდობიანი მოქალაქეები, კლავდნენ მათ შიმშილითა და წყურვილით, ხელებშეკრულს მუხლებზე აყენებდნენ, დასცინოდნენ, სცემდნენ და შეურაცხყოფას აყენებდნენ. იმისთვის, რომ მშვიდობიან მოქალაქეებისგან ინფორმაცია მიეღოთ აწამეს და უმოწყალოდ სცემეს ისინი. აგრესორები სიკვდილით დასჯასაც იმიტირებდნენ“.
კომენტარები