“კანონზომიერია, რომ ნათია ჯანაშიას შემთხვევაშიც იმუშავა “ბუმერანგის პრინციპმა”, როცა სასამართლოში შეტანილი სარჩელის სულისკვეთება “ბრიტანულ-ქართული აკადემიის” პარტნიორობიდან ინვესტორის გარიცხის მოთხოვნის თაობაზე, უკანვე დაუბრუნდა. ბუნებრივია, მის ამ მოთხოვნას მოჰყვებოდა და მოჰყვა კიდეც “საქართველოს განათლების ჯგუფის” (აკადემიის მაჟორიტარი – 70%-იანი პარტნიორი) მხრიდან შესაგებელი სარჩელის შეტანა და ანალოგიური მოთხოვნის დაყენება”, – აცხადებენ ახალგაზრდა ფინანსისტთა და ბიზნესმენთა ასოციაციის” – აფბას ანალიტიკურ სამსახურში. აფბა “ბრიტანულ-ქართული აკადემიის” გარშემო მიმდინარე ბიზნესდავის საზოაგდოებრივ მონიტორინგს ახორციელებს.
ორგანიზაციაში განმარტავენ, რომ ზოგადად, კომპანიიდან ერთ–ერთი პარტნიორის გარიცხვის საკითხი, როგორც წესი, მაშინ დგება ხოლმე დღის წესრიგში, როდესაც პარტნიორებს შორის თანამშრომლობა და ნდობა სრულად მოშლილია. მიზეზი კი სხვადასხვა შეიძლება იყოს.
„მიზეზი შეიძლება იყოს კომპანიის ინტერესების საზიანო მოქმედება, ანუ თუ პარტნიორი ისეთ გადაწყვეტილებებს იღებს ან ისე იქცევა, რაც პირდაპირ აზარალებს ბიზნესს. მაგალითად: კომპანიის კუთვნილი თანხების ან აქტივების არამიზნობრივი ხარჯვა/გაფლანგვა. რეპუტაციული ზიანის მიყენება, რაც საფრთხეს უქმნის ბიზნესის არსებობას.
ასევე, – ინტერესთა კონფლიქტი და არაჯანსაღი კონკურენციის გაწევა პარტნიორთან მიმართებით.
ასევე, – პარალელური ბიზნესი: როდესაც პარტნიორი იწყებს იდენტური ან კონკურენტი ბიზნესის კეთებას და კომპანიის რესურსები, კლიენტები ან იდეები თავის ახალ, პარალელურ პროექტში გადააქვს.
ასევე, – ვალდებულებების შეუსრულებლობა
ასევე, – მართვის პროცესის სრული ბლოკირება. როცა კომპანიაში პარტნიორებს შორის აზრთა სხვადასხვა ობაიქამდე მიდის, რომ გადაწყვეტილებების მიღება(მაგალითად, ხმის მიცემისას) შეუძლებელი ხდება. ანუ, თუ ერთი პარტნიორი მუდმივად, საფუძვლის გარეშე ბლოკავს მნიშვნელოვან გადაწყვეტილებებს და ამით კომპანიას პარალიზების საფრთხეს უქმნის, მეორე მხარე ცდილობს მისი გარიცხვის გზით ბიზნესის გადარჩენას“, – აცხადებენ აფბაში.
ანალიტიკოსები ამბობენ, რომ ნათია ჯანაშიას შემთხვევაში, მისი მხრიდან კომპანიის ფუნქციობისთვის ხელშემშლელი ყველა ზემოთჩამოთვლილი ნაბიჯი უკვე სახეზეა.
„დოკუმენტირებულად არის დაფიქსირებული ნათია ჯანაშიას მხრიდან, კომპანიის საზიანოდ, როგორც მენეჯერის და შემდგომ როგორც პარტნიორის მხრიდან, ქმედების უმძიმესი ფაქტები. მათ შორის, კომპანიის კუთვნილი სახსრების არამიზნობრივად ხარჯვისა დაგაფლანგვის, ნაკისრი ვალდებულებების არშესრულების, კომპანიის საწარმოო და იურიდიული ფუნქციობისთვის გამიზნული ხელის შეშლის, მართვის პროცესისთვის არაერთგზის ხელისშეშლის მცდელობის, იდენტური ბიზნესის წამოწყების და ასევე, კომპანიისთვის პერმანენტული რეპუტაციული ზიანის მიყენების ფაქტები. ამ ყველაფრის ფონზე, ბუნებრივია, როცა “ბრიტანულ ქართული აკადემია” ნათია ჯანაშიას პარტნიორობიდან გარიცხვას ითხოვს”, – მიაჩნიათ აფბაში.
კომენტარები