რაგბის 2020 წლის ევროპის ჩემპიონატის მეორე შეხვედრა ბორჯღალოსნებმა მადრიდში, ესპანეთის ნაკრების წინააღმდეგ გამართეს. საქართველოს ეროვნული გუნდი ფავორიტის სტატუსით თამაშობდა და ურთერთშეხვედრებშიც ბორჯღალოსნებს დიდი უპირატესობა აქვთ.პირველი ლელო შალვა მამუკაშვილმა დადო და ჩვენი ნაკრები დაწინაურდა. თუმცა, მალევე ესპანელებმა ერთი ლელო გაქვითეს და ანგარიში გათანაბრდა.მცირე პერიოდი ესპანელები ბორჯღალსნებს თანაბრად ეთამაშებოდნენ, მაგრამ თედო აბჟანდაძის გატანილი ჯარიმის შემდეგ, უპირატესობას საქართველოს ნაკრები დაეუფლა და პირველი ნახევარი ქართველების კარნახით წარიმართა. შეხვედრის მეორე ტაიმში კვლავ თანაბარი თამაში იყო, თუმცა ესპანელები მცირე უპირატესობას ფლობდნენ და ლელოს გატანაც მოახერხეს.საქართველოს ნაკრებიდან ლელო დადეს: შალვმა მამუკაშვილმა (დუბლი), აკა ტაბუცაძემ (სადებიუტო მატჩი ნაკრებში),შესანიშნავად ითამაშა თედო აბჟანდაძემ, რომელმაც ჯარიმებითა და გარდასახვებით გუნდს 8 ქულა მოუტანა.მომდევნო შეხვედრას საქართველოს ნაკრები ბელგიაში 22 თებერვალს გამართავს. საინტერესოა, რომ ბორჯღალოსნების მომავალმა მეტოქემ, ბელგიის ნაკრებმა ყველასთვის მოულოდნელად რუსეთი სოლიდური ანგარიშით დაამარცხა – 38:12.შეგახსენებთ, რომ წლის პირველ შეხვედრა ბორჯღალოსნებმა რაგბის ევროპის ჩემპიონატის მთავარ კონკურენტ რუმინეთის ნაკრებთან „დინამო არენაზე“ გამართეს და დიდი ანგარიშით გაიმარჯვეს -43:13.
კომენტარები