გიორგი ახობაძე თავს დამნაშავედ არ ცნობს – ექიმი მთელი პროცესისი განმავლობაში უმტკიცებდა მოსამართლეს, რომ ნარკოტიკული საშუალება “ჩაუდეს”.
მისივე განმარტებით, ის არის ექიმი, რომელიც ბოლო ერთი წელი ლოგინად ჩავარდნილ დედას, “მისი ცხოვრების მთავარ პაციენტს” უვლიდა.
თავს დამნაშავედ არ ვცნობ. ეგ რაღაც, რასაც მაბრალებენ, ჩემ ჯიბეში მე არ მომითავსებია, მათ მოათავსეს… ანესთეზიოლოგ-რეანიმატოლოგი ვარ და ვმუშაობდი შესაბამისი მიმართულებით, ბოლო 1 წლამდე, სანამ დედაჩემს დასჭირდებოდა ჩემი მზრუნველობა, ბოლო 1 წელი ვუვლიდი ჩემი ცხოვრების მთავარ პაციენტს”. – განაცხადა ახობაძემ.
ცნობისთვის, თბილისის საქალაქო სასამართლოში გიორგი ახობაძის წინასასამართლო სხდომა მიმდინარეობს.
პროევროპული აქციების დროს დაკავებული ექიმის, გიორგი ახობაძის დედა გარდაიცვალა. ლოგინად ჩავარდნილი მშობლის ერთადერთი მომვლელი მისი შვილი იყო და ამის შესახებ დაკავებული ახობაძე მოსამართლეს 10 დეკემებრის სხდომაზეც უყვებოდა.
დედას გადატანილი ჰქონდა ინსულტი და ვერ მეტყველებდა. შვილი კი მის გვერდით იმ დრომდე იყო, ვიდრე ექიმ ახობაძეს რეჟიმი ციხეში გამოკეტავდა. მშობლის გარდაცვალება ოლიგარქის მსხვერპლმა ციხეში შეიტყო.
ექიმი გიორგი ახობაძე, რომელიც საპროტესტო აქციების აქტიური მონაწილე იყო, 7-8 დეკემბერს დააკავეს. მის წინააღმდეგ გამოძიება სისხლის სამართლის კოდექსის 260-ე მუხლით მიმდინარეობს, რაც ნარკოტიკული საშუალების უკანონო დამზადება, წარმოება, შეძენა, შენახვა, გადაზიდვას ან გადაგზავნას გულისხმობს.
კომენტარები