სამედიცინო უნივერსიტეტის სტუდენტმა, გიორგი მინდაძემ, რომელსაც დღეს 5 წელი მიუსაჯეს, სასამართლო პროცესზე სიტყვის უფლებით ისარგებლა და თქვა:
„მოგახსენებთ, რომ ამ შედეგს ჩემთვის დიდი მნიშვნელობა არ აქვს, ჩემთვის ყველაზე მნიშვნელოვანია თქვენი კარგად ყოფნა და უსაფრთხოება, ამიტომ ნებისმიერი შედეგის გამოცხადების შემთხვევაში, გთხოვთ, მშვიდად და წყნარად შეხვდეთ განაჩენს. ნუ დატოვებთ ბიჭებს მხარდამჭერების გარეშე დღევანდელი თქვენი გადაწყვეტილებით.
ბიჭების 99% თვლის, რომ „ლელომ“ არ უნდა მიიღოს არჩევნებში მონაწილეობა…
ჩვენ არავის ვივიწყებთ და საკუთარ ბედს თვითონ გადავწყვეტთ“, – მიმართა გიორგი მინდაძემ დარბაზს.
(მინდაძის სიტყვებს “ტვ პირველი” ავრცელებს).
ცნობისთვის, სამედიცინო უნივერსიტეტის სტუდენტს, გიორგი მინდაძეს ბრალი სისხლის სამართლის კოდექსის 353-ე პრიმა მუხლის პირველი ნაწილით წარუდგინეს, რაც პოლიციელზე თავდასხმას გულისხმობს.
ბრლადების მხარის მტკიცებით, 21 წლის ბიჭმა 29 ნოემბერს, პოლიციელს პიროტექნიკა ესროლა, რის შედეგადაც მან ფეხზე დაზიანება მიიღო.
დღეს დილით გავრცელდა გიორგი მინდაძის 2 დღის წინ გამოგზავნილი წერილი ციხიდან:
“სალამი, ჩემო საყვარლებო. მინდა გითხრათ რამდენად ამაყი და ბედნიერი ვარ თქვენით, რომ ჩემს ცხოვრებაში გამოჩნდით.
ყოველი სასამართლო ერთ-ერთი ბედნიერი დღეების სიაში შედის, რა თქმა უნდა თქვენი წყალობითბოდიში მინდა მოგიხადოთ, რადგან სასამართლოებზეც და ზოგადადაც ვერ გამოვხატავ იმ სიყვარულს, რასაც შინაგანად ვგრძნობ და მინდა ყველამ, ყველამ გაიგოთ, რომ ძაააალიან მიყვარხართ.დანარჩენზე კი, რომ გამოვალ მერეაშკარაა ჩვენი ნახვები და შეხვედრებიც დასასრულს უახლოვდება.გული არ გაიტეხოთ, თითოეული ადამიანის თვალები და ყველაფრის მეტყველი გამოხედვა არასდროს წაიშლება ჩემი გონებიდან და მითუმეტეს გულიდან.ნებისმიერი შედეგი ჩემთვის სასიკეთოა, რადგან აღმოგაჩინეთ, გაგიცანით შეგიყვარეთ და თავიც შეგაყვარეთ ჩემო თანამებრძოლებო, იბრძოლეთ იქამდე, სანამ ერთ ადამიანს მაინც ექნება ამ ბრძოლის მოგების იმედი და რწმენა – იყავი ის ერთი ადამიანი ყოველთვის შენ!!!წერილის ადრესატო. მომიყევი შენზე თუ წერა არ გეზარება
სიყვარულით გიორგი ვალერის ძე მინდაძე.გლდანის N8 პენიტენციურიდან“
კომენტარები