რომის პაპმა ფრანცისკემ განაცხადა, რომ ბირთვული იარაღის გამოყენების შესაძლებლობაზე ფიქრი სიგიჟეა.
„ამ ტრაგიკული ომის დროს, როდესაც ზოგიერთი ბირთვულ იარაღზე ფიქრობს, რაც სიგიჟეა, ამ ქვეყანამ [ყაზახეთმა] თავიდანვე თქვა უარი ბირთვულ იარაღზე“, – აღნიშნა რომის პაპმა ყაზახეთში თავის ვიზიტზე საუბრისას.
რომის პაპის თქმით, უკრაინელები განიცდიან სისასტიკეს, საშინელ დამცირებასა და წამებას.
შეგახსენებთ, დღეს რუსეთის პრეზიდენტმა ქვეყანაში ნაწილობრივი მობილიზაცია გამოაცხადა და დასავლეთი გააფრთხილა, რომ „ბირთვული შანტაჟის“ გაგრძელების შემთხვევაში, რუსეთი მათ მთელი არსენალით უპასუხებს.
კომენტარები