“ბინძური ტყუილია… არ შეგრჩებათ” – რა მოხდა ხაზარაძე-ჯაფარიძე-წერეთლის სასამართლო პროცესზე

თბილისის საქალაქო სასამართლოში მამუკა ხაზარაძის, ბადრი ჯაფარიძისა და ავთანდილ წერეთლის საქმის განხილვა მიმდინარეობს.

სხდომაზე ხმაური და დაპირისპირება ბრალდების მხარის რეპლიკას მოჰყვა, რომელსაც პროკურატურამ ლელოს ლიდერები, ფულის გათეთრებაში კიდევ ერთხელ დაადანაშაულა.

“მივმართე გენერალურ პროკურორს, რადგან ამ არაკომპეტენტურობის მოსმენა არის შეუძლებელი. პროკურორები რომლებსაც ეს საქმე მიჰყავთ, მათი ცოდნა საბანკო-საფინანსო საქმეში არის “პლინტუსის” დონეზე. ორიწლისთავზე აღმოჩნდა, რომ ამ სამმა პროკურორმა არაფერი არ იცის ფინანსურ ნაწილთან დაკავშირებით და ჩვენ აქ იმისთვის არ ვართ, რომ მათ ვასწავლოთ, ძალიან გთხოვთ, ბატონო შოთაძე, რომ ცოტა კვალიფიციური პროკურორები გამოაგზავნოთ”,– თქვა მამუკა ხაზარაძემ