ბიძინა კულუმბეგოვი: მოსახლეობის 80%-ის ვაქცინაცია ნიშნავს, რომ შემდგომი თვეების განმავლობაში 10 000-მდე მოქალაქის სიცოცხლეს გადავარჩენთ

თუ ვინმეს სჭირდება შეხსენება სპეციალისტებისგან, რას მოგვიტანს მოსახლეობის 80%-ის ვაქცინაცია, ეს ნიშნავს, რომ შემდგომი თვეების განმავლობაში ჩვენ 10 000-მდე მოქალაქის სიცოცხლეს გადავარჩენთ, – ამის შესახებ ალერგოლოგ-იმუნოლოგმა, ბიძინა კულუმბეგოვმა „რუსთავი 2“-ის ეთერში განაცხადა.

მისი თქმით, ვაქცინაციის გარეშე ეს ტალღები დაუსრულებელი იქნება.

„ამაზე უფრო მნიშვნელოვანი არსებობს რაიმე სხვა საქმე, რომელიც დღეს ჩვენი ქვეყნის წინაშე დგას? მეტი გამოსავალი ჩვენ ამ დაუსრულებელი პანდემიის ტალღების პირობებში არ გვაქვს. თუ ვაქცინაციის გარეშე ასე გავყვებით, ეს ტალღები დაუსრულებელი იქნება და შემდგომი 1 წლის განმავლობაში ჩვენ ძალიან ბევრი ადამიანის სიცოცხლეს დავკარგავთ“, – განაცხადა ბიძინა კულუმბეგოვმა.