,,ალიას” ყოფილი ჟურნალისტი, დარეჯან მეფარიშვილი:
,,დღეს ოთხმა ტელევიზიამ 24 საათით მაუწყებლობა შეწყვიტა ირაკლი ღარიბაშვილის გადადგომის მოთხოვნით – “მთავარი არხი”, “ფორმულა”, “კავკასია” და “ტვ პირველი”.
“იმედი” რომ დაარბიეს და ჟურნალისტებს ცხვირ-პირი გაუერთიანეს, “ალიას” დამფუძნებელმა, გიორგი ბრეგვაძემ, მედიასაშუალებებს მოუწოდა პროტესტის ნიშნად გამოქვეყნებულ სტატიებზე წითელი ჯვარედინი ხაზები დაეტანათ – სიტყვის თავისუფლებას, ჟურნალისტიკას კლავენ!
ბეჭდური მედიის არც ერთმა გამოცემამ იდეა არ გაიზიარა – ჩვეულებრივად გამოდიოდა გაზეთები, თითქოს არაფერი მომხდარა, თუმცა “იმედის” დარბევის შესახებ სტატიებს აქვეყნებდნენ!
არასდროს დამავიწყდება სრულიად რედაქციამ როგორ განიცადა ღალატის ტოლფასი ქმედება!
არასდროს!
და, როცა, ფოტოგრაფები დააკავეს, “ალია”, როგორც ერთი ორგანიზმი ქუჩაში გამოვიდა – გიორგი ბრეგვაძე, რომელიც კალამს უფრო დიდ მნიშვნელობას ანიჭებდა, ვიდრე აქციებს, ჟურნალისტების წინ დადგა – არავინ იცის რა მოხდება, ჯერ მე და მერე თქვენ.
სამი დღე ვაპროტესტებდით – მხოლოდ ჩვენ!
მერე როგორც იქნა მიხვდნენ “პეროები” და “საპეროეთის” ნაწილი გამოვიდა – დღეს ვინც მაუწყებლობა შეწყვიტა, მათგან მხოლოდ “კავკასია” მახსოვს “ალიას” გვერდით!
ჩვენ არავის გადადგომას ვითხოვდით, ჩვენ სამართალს ვითხოვდით, რადგან თუ არ არის სამართალი, არ არის მშვიდობა.
სკამოსანთა გვარებს კი მნიშვნელობა არა აქვს – წავა ერთი, მოვა მეორე და ამით არაფერი შეიცვლება!
დღეს მოცემულობა ასეთია: სცემეს ჟურნალისტებს, ბევრს, ძალიან ბევრს, მაგრამ მათ ხელისუფლების “დუბინკა” არ მოხვედრიათ.
დააკავეს დამნაშავეები. ალბათ, კიდევ დააკავებენ!
სამართალი აღესრულება – ყველა ვარიანტში!
მავანნი ამბობს, ხელისუფლებამ არ დაიცვა ჟურნალისტები და ასპარეზი მოძალადეებს დაუთმო.
ეს ასე რომ იყოს, გაცილებით ცუდი შედეგი იქნებოდა, მაგრამ ახლა ეს არაა მთავარი – ხელისუფლება ვალდებულია, უნდა დაიცვას და დაიცვა როგორც შესძლო.
მთავარი სხვა რამ არის. ხელისუფლებამ კი არა, ნაცემი ჟურნალისტების ხელმძღვანელებმა არ დაიცვეს.
ვიდრე ცხონებული ბიჭი არ გარდაიცვალა, არც ერთი გამომცემლობის N1 “სკრიპკას” არ ეტკინა, არ გაახსენდა ჟურნალისტების იარები, არ ადგა რბილი სავარძლიდან და გარეთ არ გამოვიდა.
არც ერთი “დირეხტორი”!
არც ერთი!
და ცხონებული ბიჭი რომ არ დაღუპულიყო, არც გამოვიდოდნენ “შეფები”.
