დღეს უკრაინის მხარდამჭერი აქცია გაიმართა გერმანიის დედაქალაქშიც.
ადგილობრივი მედიის ცნობით, დღის სამი საათისთვის ნახევარ მილიონამდე ადამიანი იყო ბერლინის ქუჩაში გამოსული. მიუხედავად იმისა, რომ აქციის ორგანიზატორი იყო გერმანიის მემარცხენეთა პარტია, აქცია აპოლიტიკური იყო. პროტესტს შეუერთდა ყველა ის ადამიანი, განურჩევლად ეროვნებისა, პოლიტიკური შეხედულებისა, ვინც პუტინის რეჟიმს აპროტესტებს. ადამიანები იდგნენ რუსეთის საელჩოსთან და მის მიმდებარე ქუჩებზე, შემდეგ კი პარლამენტთან გადაადგილდნენ.
გერმანიაში გამართული აქცია გააშუქა უკრაინულმა მედიამაც და აღნიშნა, რომ ასეთი მასშტაბური აქცია, არც ერთ ქვეყანაში არ გამართულა.
აქციაში მონაწილეობა მიიღეს ქართველმა ემიგრანტებმაც. როგორც ისინი “ალიას” გვიყვებიან, კონკრეტული მოთხოვნები აქციაზე არ გაჟღერებულა, ადამიანები სხვადასხვა ბანერებით იყვნენ გამოსულნი: “სხვადასხვა მოწოდებებით იდგნენ, ზოგან პუტინს აგინებდნენ და ისე მღეროდნენ, ზოგან ლექსებს ამბობდნენ და ა.შ” – გვიყვება გერმანიაში მცხოვრები ემიგრანტი, ნათია მანჯგალაძე
კომენტარები