BBC: სხვადასხვა ვაქცინის შერევა ვირუსის წინააღმდეგ კარგ დაცვას იძლევა

ბრიტანელი მეცნიერების მიერ ჩატარებული კვლევის შედეგად დადგინდა, რომ კოვიდ 19-ის საწინააღმდეგო სხვადასხვა ვაქცინის შერევა ვირუსის წინააღმდეგ კარგ დაცვას იძლევა, – ამის შესახებ BBC იუწყება.

გამოცემის ცნობით, კვლევისას ორი დოზა „ფაიზერის“, ორი დოზა „ასტრაზენეკასა“ და მათი შერევის შედეგად გამოვლენილი ეფექტი შეადარეს.

მეცნიერების თქმით, ვაქცინების ყველა კომბინაცია ადამიანის ორგანიზმში კოვიდ 19-ის საწინააღმდეგო მყარ იმუნურ სისტემას ქმნის.

კვლევაში მონაწილეობა 850 ადამიანმა მიიღო. ისინი ოთხკვირიანი შუალედით აცრეს.

კვლევებით დადგინდა, რომ „ასტრაზენეკას“ შემდეგ „ფაიზერით“ აცრა უფრო ეფექტურია, ვიდრე „ფაიზერითა“ და შემდეგ „ასტრაზენეკათი“. თუმცა, ორივე ვარიანტში ორგანიზში იმაზე მეტი ანტისხეულები დაფიქსირდა, ვიდრე იმ ადამიანებში ვისაც ორივე დოზა „ასტაზენეკა“ აქვს გაკეთებული.