“ბავშვები, ქალები მოხუცები ცემეს – არავინ აღშფოთებულა „ოცნებიდან“ – რას წერს ნათია მეზვრიშვილი

პარტია საქართველოსთვის თავმჯდომარის მოადგილე, ნათია მეზვრიშვილი:

ახალგაზრდები, ბავშვები, ქალები მოხუცები ცემეს – არანაირი გამოძიება, არანაირი დაკავება. არავინ აღშფოთებულა „ოცნებიდან“;

მეტიც, დამწკრივდნენ და დიდიან-პატარიანად ყველა ძალადობას ამართლებდა და კიდევ უფრო მეტი ძალადობისკენ მოუწოდებდა;

არც „ოცნების“ აღშფოთებული ქალები მახსენდება მათ თანამოქალაქე ბავშვებს, ქალებს და მოხუცებს რომ ცემდნენ;

მეტიც, მოძალადე ზონდერებს ამნისტია გამოუცხადეს და სრული დაუსჯელობის გარანტიები მისცეს;

არც „ოცნების“ არასახალხო დამცველი აღშფოთებულა, როცა ხალხს უმოწყალოდ ცემდნენ და მოძალადეებს დასჯის ნაცვლად, ამნისტიას ახებდნენ; როცა ხალხს ხმებს პარავდნენ და მათ თავისუფალ ნებაზე ძალადობდნენ.

დუმდა ყველა საგამოძიებო, დუმდა პროკურატურა.

რაც გუშინ ვნახეთ, ასე გამოიყურება „ოცნების სამართალი“ და „ოცნების“ დამცველად გაფორმებული არასახალხო დამცველი.

…

ლექსო ლაშქარავაზე ძალადობისთვის ბრალდებული ზონდერი გამოსულა ზონდერების ამნისტიით. ტყუილად არ ვამბობდით, რომ „ოცნების“ ამნისტია იყო ზონდერების ამნისტია – მოძალადეებს დაუსჯელობის გარანტიები წინასწარ შეთანხმებულად მისცეს პარლამენტმა, პროკურატურამ და სპეციალურმა საგამოძიებო სამსახურმა. ეს კრიმინალური ამნისტია იმ არაერთ ზონდერს ეხება რუსული კანონის პროტესტის დროს ახალგაზრდები, ბავშვები, ქალები და მოხუცები რომ სცემეს.