ადვოკატი, ნათია ჩხეტიანი:
“ბატონ მიხეილ სარჯველაძეს!
გავეცანი თქვენს კანონპროექტს ამნისტიის თაობაზე.
ძალიან მოხარული ვარ, რომ დღის წესრიგში დადგა პანდებიის საფუძვლით პატიმართა შეზღუდული უფლებების კონპენსირების საკითხი, მაგრამ მხოლოდ ხანმოკლე პაემნის შეზღუდვის კომპენსირება არის სამართლებრივად არასწორი.
ხანმოკლე პაემნის დროს პატიმარი მინის მიღმა ხვდება ოჯახის წევრს და ესაუბრება ტელეფონით. ტელეფონით საუბრის უფლება პატიმრებს შეზღუდული არ ჰქონიათ, ყველაზე მნიშვნელოვანი და სასისოცხლო უფლება, რომელიც პატიმრებს შეეზღუდათ პანდემიის გამო არის ხანგრძლივი, 24 საათიანი პაემნით სარგებლობის უფლება.
ეს არის ადამიანის და მითუმეტეს პარიმრის ყველაზე მნიშვნელოვანი უფლება, რესოციალიზაციის კუთხით, რომელიც განმტკიცებილია საქართველოს კონსტიტუციის მე-15 მუხლით, ადამიანის უფლებათა და თავისუფლებათა კონვენციის მე-8 მუხლით და წარმოადგენს პატიმრისთვის სასიცოცხლო მნიშვნელობის საკითხს.
სწორედ აღნიშნული უფლების შეზღუდვის გამო ძალიან ბევრ პატიმარს დაენგრა ოჯახი, მიიღო გამოუსწორებელი მორალური და ფსიქოლოგიური ტრამვა.
როდესაც შეზღუდულ უფლებათა კომპენსირების საკითხი დაისვა კანონპროექტში, უმნიშვნელოვანესია უფლებები შეფასდეს სამართლებრივი და ბუნებითი მნიშვნელობის ხარისხით.
ადვოკატთან ინდივიდუალურად შეხვედრის უფლება დღემდე შეზღუდული აქვთ პატიმრებს. ადვოკატის ოთახები დაკეტილია, მაგრამ მაინც ხერხდება კომუნიკაცია ხანმოკლე პაემნის ფორმატში, ანუ რაღაც ფორმით არსებობს ეს უფლება.
ხანგრძლივი პაემნის უფლება კი ისეთი უფლებაა, ვერანაირად ვერ მოხდებოდა მისი დაკომპენსირება და ამ საკითხის გვერდის ავლა კანონპროექტში გაუმართლებელია, დამატებითი მორალური ტრამვა იქნება პატიმრებისთვის.
პატიმრობაში მყოფ პირებს სწორედ ის პერიოდი უნდა დაუკონპენსირდეთ, რა ვადითაც შეზღუდული ჰქონდათ ხანგრძლივი, 24 საათიანი პაემნით სარგებლობის უფლება, რაც იქნება სწორი, სამართლიანი და კანონიერი მიდგომა შეზღუდულ უფლებათა კომპენსირების საკითხის განხილვის დროს.
თქვენი კანონპროექტით პატიმრებს ერთი თვეც არ აკლდება.
ხანგრძლივი პაემნის უფლების შეზღუდვის კომპენსირება კი 4-5 თვემდე შეღავათს მისცემს ყველა მსჯავრდებულს.”
კომენტარები