ნაციონალური მოძრაობის წევრის, გიორგი ბარამიძის განცხადებით, მიხეილ სააკაშვილის დაპატიმრება მხოლოდ პუტინისა და ივანიშვილის რეჟიმს გაუხარდა.
მისივე თქმით, ბრძოლა იქნება უთანასწორო, თუმცა ამ ბრძოლაში ოპოზიცია მართალია.
“ეს აქცია არის მიხეილ სააკაშვილისადმი სოლიდარობის აქცია. მიხეილ სააკაშვილს ჩვენი გამხნევება არ სჭირდება, აქეთ გვამხნევებს, მაგრამ, რა თქმა უნდა, უზარმაზარ რაოდენობას, ჩვენს თანამემამულეებს, ყველა ნორმალურ ქართველ პატრიოტს აქვს დიდი სურვილი, რომ გამოხატოს მიხეილ სააკაშვილისადმი დიდი სიმპატია და მოითხოვოს პუტინის მსახური რეჟიმისგან მისი გათავისუფლება.
მხოლოდ ორ რეჟიმს გაუხარდა მიხეილ სააკაშვილის დაპატიმრება, ეს არის პუტინის რეჟიმი და მასთან მოთანამშრომლე საქართველოს მოღალატეობრივი ივანიშვილის რეჟიმი. ეს ბრძოლა ყველამ კარგად იცის, მიხეილ სააკაშვილმა და მისმა თანამებრძოლებმა, რომ არის უთანასწორო, მაგრამ ჩვენ ვართ მართლები, ეს ბრძოლა არ იქნება იოლი, ეს დაადასტურა მიხეილ სააკაშვილმა”, – განაცხადა ბარამიძემ.
შეგახსენებთ, რომ რუსთავის ციხესთან ოპოზიციის წარმომადგენლები, აქტივისტები და მიხეილ სააკაშვილის მხარდამჭერები, ქვეყნის მესამე პრეზიდენტის გათავისუფლების მოთხოვნით იკრიბებიან. სააკაშვილი 1-ელ ოქტომბერს თბილისის ერთ-ერთ უბანში დააკავეს.
კომენტარები