ბანკების, კაზინოების, ჰესების, უცხოელი ტურისტების დემონიზება მხოლოდ მეტ გაჭირვებას და სიღატაკეს მოიტანს – ასე გამოეხმაურა ჟურნალი „ტაბულას“ დამფუძნებელი თამარ ჩერგოლეიშვილი “აზარტულ თამაშებთან” დაკავშირებით კანონის მიღებას.
“ბოროტად სარგებლობა ყველა ბიზნესით შეიძლება. რაც შეეხება ლუდომანიას, ეგ გაჭირვების სენია.
გაჭირვებას ეკონომიკაზე და დემოკრატიაზე დარტყმით ჩვენნაირი ქვეყანა ვერ დამარცხებს. ბანკების, კაზინოების, ჰესების, უცხოელი ტურისტების დემონიზება მხოლოდ მეტ გაჭირვებას და სიღატაკეს მოიტანს.ბათუმში შევხვდი ჩვენს მხარდამჭერ ქალს, რომელმაც ბევრი იბრძოლა და დღესაც იბრძვის, რომ მისი ოჯახი გადაარჩინოს – ამ ეტაპზე წარმატებულია. ვესაუბრე, და მისი პრობლემაა რომ უსაბუთოდაც უშვებენ და გაშავებულიც შედის. არსებული რეგულაცია არ სრულდება. იმაზეც ვისაუბრეთ, რა შეიძლება გავაკეთოთ ინდივიდუალურად, რომ კაზინოებს უსაბუთოდ შეშვება შეეშინდეთ.მაგრამ იმაში დამეთანხმა, რომ თუ შეწყვეტის ნება არ აქვს ადამიანს, თამაშს ყოველთვის მოახერხებს. ჩვენი მავნე ჩვევების მთავარი წყარო ჩვენი სიღარიბეა, სიღარიბის დამარცხებას დრო სჭირდება, სწორი პოლიტიკით, ნაკლები, მაგრამ მაინც დიდი დრო. მოკლე გზა არ არსებობს.
ბიზნესების დემონიზება და ეკონომიკური საქმიანობის შეზღუდვა გზას მხოლოდ აგრძელებს.
p.s. ილიას კარგი ციტატაა ამაზე, ევროპულ საქართველოს ჰქონდა თავის საარჩევნო ლიფლეტზე.“პროგრესი სიმდიდრემ დაბადა და პროგრესმა ხომ წინ წამოაყენა იდეა სათნოებისა, ძმობისა, ერთობისა, ერთხმობისა და სიყვარულისა, რაიც არ ძალუძს სიღარიბეს. სიღარიბე განხორციელებული უძლურებაა, გოდებაა, მომასწავებელი ყოველ გვარის უბედურებისა: მონებისა, გინა ავაზაკობისა და სხვა გვარის ბეჩაობისა. ღარიბი ქონებით ერი, უნდა ვიცოდეთ დაჭეშმარიტებით, რომ ყველაფრით ღარიბია და ამიტომ არც არის რაშიმე საიმედო და ხელსაყრელი.” – წერს სოციალურ ქსელში თამარ ჩერგოლეიშვილი.
კომენტარები