“ბადრი ჯაფარიძის წარმატება ნულის ტოლი იქნება, ჩვენი კანდიდატი გაიმარჯვებს” – მდინარაძე

„ლელო”-ს გადაწყვეტილებას, ბადრი ჯაფარიძე შუალედურ არჩევნებში რუსთავის მაჟორიტარ კანდიდატად წარადგინოს, გამოეხმაურა ფრაქცია „ქართული ოცნების” თავმჯდომარე მამუკა მდინარაძე და თქვა:

„დავაკვირდეთ, დაუჭერს თუ არა „ნაციონალური მოძრაობა” მხარს ბადრი ჯაფარიძეს. მე მგონია, რომ დაუჭერს, რადგან ეს ერთი ორგანიზმია და აქედან გამომდინარე მაქვს ეს ვარაუდი. ამ შემთხვევაში, მისი წარმატება ნულის ტოლი იქნება, რადგან ჩვენი კანდიდატი დამაჯერებლად გაიმარჯვებს და თუკი სხვა ოპოზიციური პარტიებიც დააყენებენ კანდიდატს, ნულს ქვევით იქნება მისი წარმატების შანსი. ჩვენს დღევანდელ გადაწყვეტილებას კიდევ ერთხელ დაადასტურებს და ბეჭედს დაუსვამს რუსთავის საზოგადოება და საბოლოო განაჩენი მათ შორის პოლიტიკური იქნება რუსთავის მოსახლეობის მხრიდან მის მიმართ”