“ბი ემ ჯის” ინფორმაციით, აზერბაიჯანის ინტელექტუალური საკუთრების სააგენტო ქართულ მედიასაშუალებებს: Imedi, Rustavi 2 და “პირველი არხი” საავტორო უფლებების დარღვევაში ადანაშაულებს.
საქმე ეხება 2023-2024 წლებში 1TV.GE-ის, “იმედის” და “რუსთავი2-ის” ეთერში გასულ გადაცემებს. აზერბაიჯანის ინტელექტუალური საკუთრების სააგენტოს ცნობით, “პირველ არხზე”, “იმედსა” და “რუსთავი 2”-ზე აზერბაიჯანული ცეკვა „ბასქალი“ წარმოდგენილი იყო, როგორც “სომხური შალახო”.
ამასთან, აზერბაიჯანული ხალხური სიმღერის “ბუ ქალა, დაშლი ქალას” გამოყენებისას არ იყო მითითებული მისი წყარო და ადამიანები, რომლებსაც ის ეკუთვნის.
COPAT-მა საავტორო უფლებების დარღვევებზე “საქპატენტს” 2024 წლის 21 ოქტომბერს მიმართა. სააგენტო ქართულ მხარეს სთხოვს, გამოიძიოს ამ დარღვევების მიზეზები, მიიღოს შესაბამისი ზომები, აცნობოს COPAT-ს ამის შესახებ და მუდმივი კონტროლის ქვეშ იყოს საკითხი, რათა მსგავსი შემთხვევები არ განმეორდეს.
კომენტარები