რუსეთის უმსხვილესი ავტომწარმოებელი კომპანია „ავტოვაზი“ 5 მარტიდან მანქანების აწყობას შეაჩერებს. მიზეზი – ელექტრონული დეტალების დეფიციტია. ინფორმაციას „ტასი“ ავრცელებს.
კომპანიის ინფორმაციით, ეს გადაწყვეტილება დროებითია და თანამშრომელთა ნაწილი გაცდენილ დღეებში ხელფასს მთლიანად, ნაწილი კი ხელფასის 2/3-ს მიიღებს.
„ავტოვაზის“ ბაზაზე ორი ბრენდის, Lada-ს და Renault-ის აწყობა ხდება. კომპანიის ქარხნები ტოლიატიში და იჟევსკში მდებარეობს.
რამდენიმე დღის წინ გავრცელდა ინფორმაცია, რომ მსოფლიოს უმსხვილესმა ავტომწარმოებლებმა, მათ შორის Mercedes-Benz-მა და BMW-მ რუსეთში მანქანების იმპორტი შეწყვიტეს და იქ მაღაზიები დახურეს.
pia.ge
კომენტარები