ავსტრალიაში ხანძრის წინააღმდეგ მოქმედი ამერიკული თვითმფრინავი, C-130 HERCULES-ი ცეცხლის აქტიურად გავრცელების ზონაში ჩამოვარდა, რის შედეგადაც ეკიპაჟის სამივე წევრი გარდაიცვალა. ამის შესახებ წერს BBC-ი.
ამ დრომდე არ ვრცელდება ოფიციალური მიზეზი ავიაკატასტროფისა, თუმცა უკვე გამოითქვა ვარაუდი, რომ თვითმფრინავის ჩამოვარდნა გამოიწვია ხანძრის შედეგად წარმოქმნილმა კვამლმა, რამაც თვითმფრინავის ძრავებს პრობლემები შეუქმნა და ეკიპაჟმა ვერ მოახერხა ტერიტორიიდან გაცლა.
ავსტრალიაში ამ დრომდე 80 ცეცხლის კერა ჯერ კიდევ აქტიურ მოქმედებაშია, რასაც ხელს უწყობს ცხელი ამინდი და მწველი ქარი. ზემოხსენებული ავიატანკერი ამერიკული კერძო კომპანიისგან იჯარით ჰქონდა აღებული ავსტრალიის ხელისუფლებას, რომელიც ხანძართან საბრძოლველად იყენებდა საფრენ აპარატს. მთავრობის წარმომადგენლებმა ღრმა მწუხარება გამოთქვეს მომხდარი ფაქტის გამო და მიუსამძიმრეს გარდაცვლილთა ოჯახებს.
კომენტარები